ବଲାଙ୍ଗିର, (କେପିଏନ୍ଏସ୍) : ଗତ ବିଲମ୍ୱିତ ରାତିରେ ବଲାଙ୍ଗିର ସହରରେ ବର୍ଷା ହୋଇଥିବା ବେଳେ ବଲାଙ୍ଗିର ମ୍ୟୁନିସିପାଲିଟି ଭିତରକୁ ପାଣି ପଶି ଯାଇଥିବା ଦେଖିବାକୁ ମିଳିଛି । ମ୍ୟୁନିସିପାଲିଟି ଭିତରେ ଥିବା ଚେୟାର, ଟେବୁଲ୍ ସବୁ ପାଣିରେ ଭାସୁଥିବା ଦେଖିବାକୁ ମିଳୁଛି । ତେବେ ସହରର ଜନସାଧାରଣରେ ପ୍ରଶ୍ନ ଉଠୁଛି, ଯଦି ଏହି ଟିକିଏ ବର୍ଷାରେ ମ୍ୟୁନିସିପାଲିଟି ଭିତରକୁ ପାଣି ପଶିଯାଉଛି, ତେବେ ସହରର ଅବସ୍ଥା କ’ଣ ହେବ ? ସହରର କେଉଁଠି ବର୍ଷା ଜଳ ପଶିଲେ ଲୋକେ ମ୍ୟୁନିସିପାଲିଟିକୁ ଗୁହାରି କରିବାକୁ ଆସନ୍ତି । କିନ୍ତୁ ଏବେ ମ୍ୟୁନିସିପାଲିଟି ଭିତରେ ଭରପୂର ବର୍ଷା ଜଳ । ମୁଣ୍ଡରେ ହାତ ଦେଉଛନ୍ତି ସହରଲୋକେ ।
