ଭୁବନେଶ୍ୱର : ବଜ୍ରପାତରେ ପୃଥକ ପୃଥକ ସ୍ଥାନରେ ୪ ଜଣଙ୍କ ମୃତ୍ୟୁ ହୋଇଥିବା ବେଳେ ୨ ଗୁରୁତର ହୋଇଥିବା ସୂଚନା ମିଳିଛି । ବୋରିଗୁମ୍ମା ବ୍ଲକ ଅଞ୍ଚଳ ଗାଁରେ ମା’ପୁଅଙ୍କ ବଜ୍ରପାତରେ ମୃତ୍ୟୁ ଘଟିଛି । ବିଲରେ କାମ କରୁଥିବା ବେଳେ ଉଭୟଙ୍କ ମୃତ୍ୟୁ ହୋଇଥିବା ଜଣାପଡ଼ିଛି । ନାଲକୋଥାନା ବଳରାମପ୍ରସାଦ ଗାଁରେ ୨ ମହିଳାଙ୍କ ବଜ୍ରପାତରେ ମୃତ୍ୟୁ ହୋଇଛି । ଆସପଣ୍ଡ ପାଖ ଜଙ୍ଗଲକୁ କାଠ ପାଇଁ ଯାଇ ୨ ମହିଳା ମୃତ ହୋଇଥିବା ଜଣାପଡ଼ିଛି । ଆଉ ୨ ଜଣଙ୍କୁ ଗୁରୁତର ଅବସ୍ଥାରେ ସ୍ଥାନୀୟ ଅନୁଗୁଳ ମେଡ଼ିକାଲରେ ଚିକିତ୍ସା ପାଇଁ ଭର୍ତ୍ତି କରାଯାଇଛି । ପୁଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଜାରି ରଖିଛି ।