ପାଟଣାଗଡ଼, (କେପିଏନ୍ଏସ୍) : ଆଜି ପାଟଣାଗଡ଼ ବିଧାୟକ ସରୋଜ ମେହେର ପାଟଣାଗଡ଼ ନିର୍ବାଚନ ମଣ୍ଡଳୀର ତେଲେନପାଲି ଓ ସୋଲବନ୍ଧ ପଞ୍ଚାୟତରେ ବିଜେଡିର ସକ୍ରିୟ କାର୍ଯ୍ୟକର୍ତ୍ତାମାନଙ୍କ ସହିତ ବିଜେଡ଼ିକୁ ତୃଣମୂଳ ସ୍ତରରେ ଆହୁରି ସୁଦୃଢ଼ କରିବା ପାଇଁ ତଥା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଜନ ହିତକର ପଦକ୍ଷେପ ସଂପର୍କରେ ଲୋକଙ୍କୁ ଅବଗତ କରିବାକୁ ଆଲୋଚନା କରିଛନ୍ତି । ଏଥିସହିତ ଏହି ଅବସରରେ ତେଲେନପାଲି ଗ୍ରାମର ବଜାର ଗୃହ ଉଦ୍ଘାଟନ କରିଛନ୍ତି ବିଧାୟକ ସରୋଜ । ଅସହାୟ ତଥା ବୃଦ୍ଧବୃଦ୍ଧାଙ୍କୁ ଭତ୍ତା ବଣ୍ଟନ କାର୍ଯ୍ୟକ୍ରମରେ ମଧ୍ୟ ବିଧାୟକ ଶ୍ରୀ ମେହେର ଯୋଗ ଦେଇଥିବା ବେଳେ ଡୁଡ଼କିପଦର ଗ୍ରାମକୁ ଯାଇ ବିଭିନ୍ନ ବିଷୟରେ ଆଲୋଚନା କରିଛନ୍ତି ।