ବଲାଙ୍ଗିର, (କେପିଏନ୍ଏସ୍) : ଆଜି ବଲାଙ୍ଗିର ବ୍ଲକ ଅଧିନସ୍ଥ ଚନ୍ଦନଭାଟି କ୍ଲଷ୍ଟରର ଶିକ୍ଷକ ଶିକ୍ଷୟତ୍ରୀଙ୍କ ଦ୍ୱାରା ଅବସର ଗ୍ରହଣ କରିଥିବା ବରକାନୀ(କ) ଉଚ୍ଚ ପ୍ରାଥମିକ ବିଦ୍ୟାଳୟର ଶିକ୍ଷକ ପାର୍ଥ ବାଗଙ୍କୁ ଅବସରକାଳୀନ ସମ୍ବର୍ଦ୍ଧନା ପ୍ରଦାନ କରାଯାଇଛି । କେନ୍ଦ୍ର ବିଦ୍ୟାଳୟ, ଚନ୍ଦନଭାଟିର ପ୍ରଧାନ ଶିକ୍ଷକ ପ୍ରଦୀପ କୁମାର ଖମାରୀଙ୍କ ସଭାପତିତ୍ୱରେ ଆୟୋଜିତ ସଭାରେ ମୁଖ୍ୟ ଅତିଥି ଭାବରେ ଯୋଗ ଦେଇଥିଲେ ମିର୍ଧାପାଲି ଉଚ୍ଚ ବିଦ୍ୟାଳୟର ପ୍ରଧାନ ଶିକ୍ଷକ ସରୋଜ ନାୟକ । ଶ୍ରୀମତୀ ପ୍ରମିଳା ନନ୍ଦ, ବିନାୟକ ମିଶ୍ର, ଶ୍ରୀପତି ନନ୍ଦ ନିଜ ନିଜର ବକ୍ତବ୍ୟ ପ୍ରଦାନ କରିଥିଲେ । ଶିକ୍ଷକ ପାର୍ଥ ବାଗ ନିଜର ଚାକିରି ଜୀବନର ଅନୁଭୂତି ପ୍ରକାଶ କରିବା ପରେ ମୁଖ୍ୟବକ୍ତା ଆଶିଷ କୁମାର ମିଶ୍ର ଓ ସିଆର୍ସିସି ବେଣୁଧର ମାଝୀ ନିଜ ନିଜର ଅଭିଭାଷଣ ପ୍ରଦାନ କରିଥିଲେ । ସଭାପତି ଶ୍ରୀ ଖମାରୀଙ୍କ ଅଭିଭାଷଣ ପରେ ମହାଦେବ ମେଶ୍ୱା ସମ୍ୟକ ମତବ୍ୟକ୍ତ କରିବା ସହ ସମସ୍ତଙ୍କୁ ଧନ୍ୟବାଦ ଅର୍ପଣ କରି ଶେଷରେ ସଭାପତିଙ୍କ ଆଦେଶ କ୍ରମେ ସଭା ସାଙ୍ଗ ଘୋଷଣା କଲେ ।