ଦେଓଗାଁ, (ମନୀଷ କୁମାର ସାହୁ) : ଦେଓଗାଁ ଡିଗ୍ରୀ ମହାବିଦ୍ୟାଳୟରେ ଯୁକ୍ତ ତିନି ପ୍ରଥମ ବର୍ଷର କଳା, ବିଜ୍ଞାନ ଓ ବାଣିଜ୍ୟ ବିଭାଗର ଛାତ୍ରଛାତ୍ରୀଙ୍କୁ ସ୍ୱାଗତ ସମାରୋହ ସଭା ଅନୁଷ୍ଠିତ ହୋଇଯାଇଛି । ଉତ୍ସବରେ ମହାବିଦ୍ୟାଳୟର ଅଧ୍ୟକ୍ଷ ରମେଶ ଚନ୍ଦ୍ର ପ୍ରଧାନି ଅଧ୍ୟକ୍ଷତା କରି ଛାତ୍ରଛାତ୍ରୀଙ୍କ କର୍ତ୍ତବ୍ୟ ପରାୟନତା ନମ୍ରତା, ଭଦ୍ରତା, ଅନୁଶାସନ ପ୍ରିୟ ହେବା ପାଇଁ ଆହ୍ୱାନ ଦେଇଥିଲେ । ରାଜନୀତି ବିଜ୍ଞାନ ବିଭାଗର ମୁଖ୍ୟ ଡ. ସୁରେଶ ପ୍ରସାଦ ଷଡ଼ଙ୍ଗୀ ନିଜ ବକ୍ତବ୍ୟ ପ୍ରଦାନ କରି ଛାତ୍ରଛାତ୍ରୀମାନେ ନିଜର ବହୁମୁଖୀ ପ୍ରତିଭାର ବିକାଶ କରି ନିଜର ଉପସ୍ଥିତି ଲକ୍ଷ୍ୟ ସାଧନ କରିବା ପାଇଁ ପରାମର୍ଶ ଦେଇଥିଲେ । ଇତିହାସ ଅଧ୍ୟାପିକା ମଞ୍ଜରୀ ପୋଢ଼, ରାସାୟନ ଶାସ୍ତ୍ର ଅଧ୍ୟାପିକା ସାରଦା ଭଞ୍ଜ ଦେଓ ଓ ବାଣିଜ୍ୟ ଅଧ୍ୟାପକ ମଣ୍ଟୁ ରଞ୍ଜନ ସା ନବାଗତମାନଙ୍କ ପାଇଁ ସ୍ୱାଗତ ଭାଷଣ ଦେଇଥିଲେ । ରାଜନୀତି ବିଜ୍ଞାନ ଅଧ୍ୟାପକ ମହେଶ ମେହେରଙ୍କ ନିର୍ଦ୍ଦେଶନାରେ ଛାତ୍ରଛାତ୍ରୀମାନଙ୍କ ଦ୍ଵାରା ଏକ ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । କଲେଜର ଅଧ୍ୟାପକ, ଅଧ୍ୟାପିକା ମଳୟ ରଞ୍ଜନ ରଣା, ଉଦୟନାଥ ରଥ, ସରୋଜ ସାହୁ, ରୋଜାଲିନ ସାହୁ, ସନତ ରଥ, ସରୋଜ ମହାନ୍ତି, ରମେଶ ଚନ୍ଦ୍ର ନାଏକ, ଅଲେଖ ପ୍ରସାଦ ସାହୁ, ବିଜୟ ବିଶି ପ୍ରମୁଖ କାର୍ଯ୍ୟକ୍ରମ ପରିଚାଳନାରେ ସହଯୋଗ କରିଥିଲେ ।