ପାଟଣାଗଡ଼, (ଗୋରେଖନାଥ ବରିହା) : ପାଟଣାଗଡ଼ ଗତ ୨୯/୭/୨୦୨୧ ଦିନ ରାତିରେ ପିଏଚ୍ଡି କାର୍ଯ୍ୟାଳୟ ପରିସରରୁ ମଟର କେବୁଲ ତାର ଚୋରି କରିଥିବା ଏନେଇ ବିଭାଗୀୟ ଜେଇ ଡୁବୁଲିଆ ସିଂହ ପୁର୍ତି ଥାନାରେ ଲିଖିତ ଏତାଲା ଦେଇଥିଲେ । ପାଟଣାଗଡ଼ ଥାନା କେସ ନଂ ୧୩୪/୨୨ରେ ଏକ ମାମାଲ ରୁଜୁ କରି ପୋଲିସ ଘଟଣାର ତଦନ୍ତ ଜାରି ରଖିଥିବା ବେଳେ ଅଭିଯୋଗରେ ଆଜି ପାଟଣାଗଡ଼ ପୁଲିସ ୩ ଜଣକୁ ଗିରଫ କରି କୋର୍ଟ ଚାଲାଣ କରିଛି । ସେମାନେ ହେଲେ ଲରମ୍ଭା ଥାନା ଖୁଣ୍ଟସମଲେଇ ଗାଁର ମନରଞ୍ଜନ ତଅଲା (୧୯), ପିଣ୍ଟୁ ତଅଲା (୨୦) ଏବଂ ପାଟଣାଗଡ଼ ଦଳଦଳି ଗାଁର ପୀତବାସ ଛତ୍ରିଆ (୨୯) । ସେମାନଙ୍କଠାରୁ ଚୋରି ହୋଇଥିବା ୧୯ କେଜି ୧୬୦ ଗ୍ରାମ କେବୁଲ ତାର, ଗୋଟିଏ ପଲସର ବାଇକ୍ ନଂ ଓଡି -୧୫- ସି-୦୭୭୧, ହିରୋ ଏଚ୍ଏଫ୍ ଡିଲକ୍ସ ବାଇକ୍ ନଂ ଓଡି-୧୭-ଏମ୍ -୫୪୩୭, ୨ଟି କଟର ଆରିପାତି, ଗୋଟିଏ ଛୁରୀ, ଗୋଟିଏ ପିଲର ଫ୍ଲାସ ଆଦି ଚୋରି ସମଗ୍ରୀ ମଧ୍ୟ ଜବତ କରିଛି । ଏନେଇ ପାଟଣାଗଡ଼ ଥାନାରେ ଏକ ସାମ୍ବାଦିକ ସମ୍ମିଳନୀ କରି ପାଟଣାଗଡ଼ ଏସ୍ଡିପିଓ ଜ୍ୟୋତିର୍ମୟ ଭୁକ୍ତା ସୂଚନା ଦେଇଛନ୍ତି । ଥାନା ଅଧିକାରୀ ଅନନ୍ତ ପ୍ରଧାନ ଉପସ୍ଥିତ ଥିଲେ ।