ମୁରିବାହାଲ, (ଦୁର୍ଗାନନ୍ଦ ମହାକୁର) : ବଲାଙ୍ଗିର ଜିଲ୍ଲା ମୁରିବାହାଲ ବ୍ଲକ ଗୁଡ଼ିଘାଟ ଗ୍ରାମସ୍ଥିତ ମୁକୁନ୍ଦିଲାଲ ଅଗ୍ରୱାଲ ହାଇସ୍କୁଲର ୧୬୮ଜଣ ଛାତ୍ରଛାତ୍ରୀଙ୍କୁ ଶନିବାର ସ୍କୁଲ ପୋଷାକ ବଣ୍ଟନ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ବଲାଙ୍ଗିର ଜିଲ୍ଲା ପରିଷଦ ଉପାଧ୍ୟକ୍ଷା ମିଥିଲା ମାଝୀ ମୁଖ୍ୟ ଅତିଥି ରୂପେ ଯୋଗଦେଇ ଛାତ୍ରଛାତ୍ରୀଙ୍କୁ ଏହି ସ୍କୁଲ ପୋଷାକ ବଣ୍ଟନ କରିଥିଲେ । ହାଇସ୍କୁଲ ପ୍ରଧାନ ଶିକ୍ଷକ କୋଦଣ୍ଡଧର ପାଢ଼ୀଙ୍କ ସଭାପତିତ୍ୱରେ ଅନୁଷ୍ଠିତ ଏହି କାର୍ଯ୍ୟକ୍ରମରେ ସହକାରୀ ଶିକ୍ଷକ କିଶୋର କୁମାର ନାୟକ, ଗୋବର୍ଦ୍ଧନ ତାଣ୍ଡି, ଉଦ୍ଧବ ପୁଟେଲ, ରମେଶ ପ୍ରସାଦ ସାହୁ, ଚକ୍ରଧର ଅମାତ, ବିଭୂତିନନ୍ଦ ଦାସ ଓ ରମେଶ ଚନ୍ଦ୍ର ବିଶିଙ୍କ ସହ ସମସ୍ତ ହାଇସ୍କୁଲ୍ କର୍ମଚାରୀ ଓ ଛାତ୍ରଛାତ୍ରୀ ଯୋଗ ଦେଇଥିଲେ ।