ବଙ୍ଗଳାବାସୀଙ୍କ ପାଇଁ ପ୍ରଧାନମନ୍ତ୍ରୀଙ୍କ ପାଦ ଛୁଇଁବାକୁ ପ୍ରସ୍ତୁତ, ରାଜନୈତିକ ପ୍ରତିଶୋଧ ବନ୍ଦ କରନ୍ତୁ : ମମତା ବାନାର୍ଜୀ
କୋଲକାତା : ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ସମୀକ୍ଷା ବୈଠକରେ ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କ ବିଳମ୍ବରେ ପହଞ୍ଚିବା ଏବଂ ବୈଠକରୁ ତୁରନ୍ତ ବିଦାୟ ନେଇଥିବା ବିବାଦ ଥମୁନାହିଁ । ବର୍ତ୍ତମାନ ମୁଖ୍ୟମନ୍ତ୍ରୀ ମମତା ବାନାର୍ଜୀ ମଧ୍ୟ ଏହି ଘଟଣାରେ ଏକ ବିବୃତ୍ତି ଦେଇଛନ୍ତି । କେନ୍ଦ୍ର ସରକାର ପ୍ରତିଶୋଧ ନେଇ ରାଜନୀତି କରୁଥିବା ଅଭିଯୋଗ କରି ସେ ଏହାକୁ ବନ୍ଦ କରିବାକୁ କହିଛନ୍ତି ।
ପଶ୍ଚିମବଙ୍ଗର ମୁଖ୍ୟମନ୍ତ୍ରୀ ମମତା ବାନାର୍ଜୀ କହିଛନ୍ତି, ‘ମୋତେ ଏହିପରି ଅପମାନ କର ନାହିଁ, ବଙ୍ଗଳାକୁ ଅସମ୍ମାନ କର ନାହିଁ । ମୋର ସିଏସ୍, ଏଚ୍ଏସ୍ ଏବଂ ଏଫ୍ଏସ୍ ସବୁବେଳେ ବୈଠକରେ ଯୋଗଦେଉଛନ୍ତି, ସେମାନେ କେନ୍ଦ୍ର ପାଇଁ କାର୍ଯ୍ୟ କରୁଛନ୍ତି, ସେମାନେ ଆଉ ରାଜ୍ୟ ପାଇଁ କେବେ କାମ କରିବେ । ଏହା କ’ଣ ରାଜନୈତିକ ପ୍ରତିଶୋଧ ନୁହେଁ କି ?’
ମମତା ବାନାର୍ଜୀ କହିଛନ୍ତି ଯେ, ସେ ବଙ୍ଗଳା ପାଇଁ ପ୍ରଧାନମନ୍ତ୍ରୀଙ୍କ ପାଦ ଛୁଇଁବାକୁ ପ୍ରସ୍ତୁତ । ସେ କହିଛନ୍ତି, ମତେ ଖରାପ ଲାଗିଲା । ସେ ପିଏମ୍ଓ ଦ୍ୱାରା ଏକପାଖିଆ ସୂଚନା ପ୍ରସାରଣ କରି ମୋତେ ଅପମାନିତ କରିଥିଲେ । ମୁଁ କାମ କରୁଥିବା ସମୟରେ ସେ ଏହା କରୁଥିଲେ । ମୁଁ ଲୋକମାନଙ୍କ ପାଇଁ ପ୍ରଧାନମନ୍ତ୍ରୀଙ୍କ ପାଦ ଛୁଇଁବାକୁ ପ୍ରସ୍ତୁତ ଅଛି । ଏହି ରାଜନୈତତିକ ପ୍ରତିଶୋଧ କରନ୍ତୁ ।
ସେ କହିଛନ୍ତି, ମୁଁ ପ୍ରଧାନମନ୍ତ୍ରୀଙ୍କୁ ଅନୁରୋଧ କରୁଛି ଯେ ମୁଖ୍ୟ ଶାସନ ସଚିବଙ୍କ ଏହି ନିର୍ଦ୍ଦେଶ ପ୍ରତ୍ୟାହାର କରନ୍ତୁ ଏବଂ ଆମକୁ କାମ କରିବାକୁ ଦିଅନ୍ତୁ । ସେଠାରେ କିଛି ସୌଜନ୍ୟ ରହିବା ଉଚିତ୍ । ରାଜ୍ୟ କେନ୍ଦ୍ରକୁ କାମ କରିବାକୁ ଦେଉନାହିଁ । ବେଙ୍ଗଲ ମୋର ପ୍ରାଥମିକତା ଏବଂ ମୁଁ କରିବି, ଏହାକୁ କେବେ ବିପଦରେ ପକାନ୍ତୁ ନାହିଁ । ମୁଁ ଏଠାରେ ଥିବା ଲୋକଙ୍କ ପାଇଁ ସୁରକ୍ଷା କର୍ମୀ ରହିବି ।