ବ୍ରହ୍ମପୁର, (କେ.ସତ୍ୟନାରାୟଣ ରେଡ୍ଡୀ) : ଦିଲ୍ଲୀରେ ଅନୁଷ୍ଠିତ ଜାତୀୟସ୍ତରୀୟ ରିଚ୍ ୟୁଥ ଟିବି ଚାମ୍ପିୟାନ କର୍ମଶାଳାରେ ଗଞ୍ଜାମ ଜିଲ୍ଲାର ସଦରମହକୁମା ଛତ୍ରପୁରର ଯୁବ ସ୍ୱେଚ୍ଛାସେବୀ ଟିବି ଚାମ୍ପିୟାନ ମୁନା ବେହେରା ଅଂଶଗ୍ରହଣ କରିଛନ୍ତି । ସ୍ୱାସ୍ଥ୍ୟ ବିଭାଗ ପକ୍ଷରୁ ମନୋନୀତ ହୋଇ ଗଞ୍ଜାମରୁ ଏହି ଜଣେ, ଓଡ଼ିଶାରୁ ୫ଜଣ ଏବଂ ସର୍ବଭାରତୀୟସ୍ତରରେ ସର୍ବମୋଟ ୧୯ଜଣ ଟିବି ଚାମ୍ପିୟାନ ଉକ୍ତ ଜାତୀୟସ୍ତରୀୟ କର୍ମଶାଳାରେ ଯୋଗଦେଇଛନ୍ତି । ସେମାନେ ବିଭିନ୍ନ ଅଭିଜ୍ଞ ଡାକ୍ତରୀ ଓ ସ୍ୱାସ୍ଥ୍ୟ ବିଶେଷଜ୍ଞଠାରୁ ଉଚ୍ଚସ୍ତରୀୟ ତାଲିମ ଗ୍ରହଣ କରିବାର ସୁଯୋଗ ଅଛି ବୋଲି କୁହାଯାଏ । ତାଲିମପ୍ରାପ୍ତି ପରେ ସେମାନେ ନିଜ ନିଜ ଅଞ୍ଚଳରେ ଯକ୍ଷ୍ମା ରୋଗର ନିରାକରଣ ଉପରେ ଲୋକଙ୍କୁ ସମାଜରେ ସଚେତନତା ଆଣିବା ଉଦ୍ଦେଶ୍ୟରେ ସରକାରୀ ଖର୍ଚ୍ଚ ବହନରେ ଫ୍ଲାଇଟରେ ଯାଇ ଯୋଗଦାନ କରିଛନ୍ତି ବୋଲି ଜଣାଯାଇଛି ।