- ଜୀବନ ସୁଖମୟ କିନ୍ତୁ ତଥାସ୍ତୁମୟ ନୁହେଁ
ରାଉରକେଲା, (ସସ୍ମିତା ପ୍ରଧାନ) : ସହରର ଅଗ୍ରଣୀ ସାହିତ୍ୟ, ସାମାଜିକ ଅନୁଷ୍ଠାନ ଧାମରା ସଂଘରେ ଗ୍ରୀଷ୍ମ କବିତା ଆସର ଅନୁଷ୍ଠିତ ହୋଇଯାଇଛି । ସଂଘର ସଭପତି ପ୍ରଶାନ୍ତ କୁମାର ବେହେରାଙ୍କ ସଭାପତିତ୍ୱରେ ଆୟୋଜିତ ଏହି ସଭାରେ ମୁଖ୍ୟବକ୍ତା ଭାବେ ବିଶିଷ୍ଟ ଗାଳ୍ପିକା ମୋନାଲିସା ମିଶ୍ର ମୁଖ୍ୟବକ୍ତା ଭାବେ ଯୋଗଦେଇ ଆଲୋଚ୍ୟ ପ୍ରସଙ୍ଗ ଜୀବନ ଜିଇଁବାର କଳା ସମ୍ପର୍କରେ ମତ ରଖି କହିଲେ ଯେ, ଜୀବନ ଏକ ଦିବ୍ୟଦାନ, ପ୍ରତ୍ୟେକ ଜୀବନର ଏକ ଦିବ୍ୟ ଉଦ୍ଦେଶ୍ୟ ରହିଛି । ଜୀବନ ସୁଖମୟ କିନ୍ତୁ ତଥାସ୍ତୁ ମୟ ନୁହେଁ । କର୍ମ ପ୍ରେମ ଓ ବିଭୁ ବିଶ୍ୱାସ ହିଁ ଜୀବନ ଜିଇଁବାର କଳା । ମୁଖ୍ୟଅତିଥି ଭାବେ ସମାଜସେବୀ ଶୈଳେଶ ତିୱାରୀ ଯୋଗଦେଇ କହିଲେ ଯେ, ଜୀବନ ମାତ୍ର କେଇ ଦିନର । ଏହାରି ମଧ୍ୟରେ ଅନ୍ୟର ଓଠରେ ଯଦି ଟିକେ ହସ ଖେଳାଇ ପାରିଲେ ତାହା ହିଁ ବିଭୁ ଆଶୀର୍ବାଦ । ଜୀବନ ଜିଇଁବାର କଳା ଏଇଠୁ ହିଁ ଶିଖିହେବ । ସମ୍ମାନିତ ଅତିଥି ରଶ୍ମିବାଳା ରାଉତରାୟ କହିଲେ ସମସ୍ତଙ୍କୁ ହୃଦୟର ସହ ନିଜର କରି ପାରିଲେ ତାହା ହିଁ ହେବ ଜୀବନ ଜିଇଁବାର କଳା । ପ୍ରାରମ୍ଭରେ ସଂଘର ସାଧାରଣ ସଂପାଦକ ଭଗବାନ ରାଉତ ସଂଘର ଆଭିମୁଖ୍ୟ ସହ ସ୍ୱାଗତ ଅଭିଭାଷଣ ରଖିଥିଲେ । ଏହି ଅବସରରେ କନ୍ଧମାଳରୁ ଆସିଥିବା କବି ବିଦେଶୀ ନାୟକ, ସୋନପୁରରୁ ଆସିଥିବା କବି ଡ. ନିରଂଜନ ପଣ୍ଡା ଓ ଝାରସୁଗୁଡାରୁ ଆସିଥିବା କବି ଡ. ସ୍ୱର୍ଣ୍ଣଲତା ଲେଙ୍କାଙ୍କୁ ଧାମରା ସାରସ୍ୱତ ସମ୍ମାନରେ ସମ୍ମାନିତ କରାଯାଇଥିଲା ବେଳେ କବିତା ପାଠ କରଥିବା ୪୮ଜଣ କବିଙ୍କୁ ସମ୍ମାନ ସୂଚକ ସ୍ମୃତି ଫଳକ ପ୍ରଦାନ କରାଯାଇଥିଲା । କବି ସୁଶାନ୍ତ କୁମାର ନାୟକ ମଂଚ ପରିଚାଳନା କରିଥିଲା ବେଳେ କବି ନିରଂଜନ କରଣ ଧନ୍ୟବାଦ ଅର୍ପଣ କରିଥିଲେ । ଦ୍ୱିତୀୟ ପର୍ଯ୍ୟାୟରେ ନିଳିନୀପ୍ରଭା ଦାଶଙ୍କ ସଭାପତିତ୍ୱରେ କବି ସୁସ୍ମିତା ମହାପାତ୍ର ଓ ମୋନାଲିସା ଗୌଡଙ୍କ ସଂଯୋଜନାରେ କବି ବିଜୟ ରାୟ, ଡ. କୃପାସିନ୍ଧୁ ନାୟକ, ଡ. ଅଶ୍ୱିନୀ ରାୟ, ଅଙ୍ଗୁରବାଳା ପରିଡା, ମୀନକେତନ ପଶାୟତ,ବଳରାମ ରାଉଳ, କୁଞ୍ଜବିହାରୀ ରାଉତ, ପ୍ରତାପ ପଣ୍ଡା, ଅଶୋକ ପଟ୍ଟନାୟକ, ପ୍ରଶାନ୍ତ କୁମାର ମେହେର, ବିନତା ମହନ୍ତ, ଅର୍ଚ୍ଚନା ପାତ୍ର, ବିଜୟଲକ୍ଷ୍ମୀ ପଟ୍ଟନାୟକ, କବିତା ପତି, ଆରତୀ ବେହେରା, ସବିତା ପରିଡା, ନିରୁପମା ନାୟକ, ତନ୍ମୟୀ ଅଗସ୍ତି, ବ୍ରଜେନ୍ଦ୍ର ଦାଶ, ଅଜୟ କୁମାର ମହାନ୍ତି, ସୁଚିସ୍ମିତା ପଣ୍ଡା, ଶ୍ୱେତଲିନା ଶତପଥୀ, ପ୍ରେମଲତା ବେହେରା, ଗୌତମ ଦାସ, ରାଜେନ୍ଦ୍ର ପଣ୍ଡା, ସୁବର୍ଣ୍ଣ ଦତ୍ତ ପ୍ରମୁଖ ୪୮ ଜଣ କବି କବିତା ପାଠ କରିଥିଲେ । ସହରର ସବୁ ଅନୁଷ୍ଠାନରୁ ସଦସ୍ୟ ସଦସ୍ୟାମାନେ ଯୋଗ ଦେଇଥିଲେ । ଅନ୍ୟମାନଙ୍କ ମଧ୍ୟରେ ବସନ୍ତ ବିଶ୍ୱକର୍ମା, ବାଳକୃଷ୍ଣ ସ୍ୱେଇଁ, ସୂର୍ଯ୍ୟମଣି ପଣ୍ଡା, ସସ୍ମିତା ପ୍ରଧାନ ପ୍ରମୁଖ କାର୍ଯ୍ୟକ୍ରମ ପରିଚାଳନାରେ ସହଯୋଗ କରିଥିଲେ ।
