om academy

ଟିଟିଲାଗଡ ସବ୍ ଡିଭିଜନ ଓ କଣ୍ଟାବାଞ୍ଜି ଏନଏସି.ର ଜନସାଧାରଣଙ୍କ ପାଇଁ ଉପଜିଲ୍ଲାପାଳଙ୍କ ଜରୁରୀ ସୂଚନା ଜାରି

jsm

ଟିଟିଲାଗଡ, (ଗୌରବ ଦର୍ଜୀ) : କୋରୋନା ରୋଗୀ ସଂଖ୍ୟା ବୃଦ୍ଧିକୁ ଦୃଷ୍ଟିରେ ରଖି ଟିଟିଲାଗଡ ଉପଜିଲ୍ଲାପାଳ ସୋମେଶ ଉପାଧ୍ୟାୟ ଏକ ଜରୁରୀ ସୂଚନା ଜାରି କରିଛନ୍ତି । କୋରୋନା ମହାମାରୀକୁ ଦୃଷ୍ଟିରେ ରଖି ଓଡ଼ିଶା ସରକାର ଦ୍ୱାରା ଓଡିଶାର ଅତ୍ୟାବଶ୍ୟକୀୟ ସାମଗ୍ରୀ ରକ୍ଷଣାବେକ୍ଷଣ ସୁନିଶ୍ଚିତ କରିବାକୁ ଛଅ ମାସ ଅବଧି ପାଇଁ ଗୁରୁତ୍ୱପୂର୍ଣ୍ଣ ସେବା ରକ୍ଷଣାବେକ୍ଷଣ ଆଇନ (ଇଏସଏମଏ) ଲାଗୁ କରାଯାଇଛି । ଏହି ଆଧାରରେ ଉପ ଜିଲ୍ଲାପାଳ ଶ୍ରୀ ଉପାଧ୍ୟାୟ ଘୋଷଣା କରିଛନ୍ତି ଯେ , ଟିଟିଲାଗଡ ସବ-ଡିଭିଜନର ଓ କଣ୍ଟାବାଞ୍ଜି ଏନଏସି.ର ସହରାଞ୍ଚଳରେ ପରିମଳ, ଜଳ ଯୋଗାଣ, ବିଦ୍ୟୁତ୍ ବିତରଣ ଇତ୍ୟାଦି ସେବା ଗୁଡିକ ପାଇଁ ଯେକୌଣସି ବ୍ୟକ୍ତି, ଏଜେନ୍ସି କିମ୍ବା ସଂଗଠନରେ କାର୍ୟ୍ୟ କରୁଥିବା ବ୍ୟକ୍ତିଙ୍କ ଦ୍ଵାରା କିମ୍ବା ଆହ୍ବାନରେ ରାସ୍ତାରୋକ , କିମ୍ବା ହରତାଳ କରାଯାଇଥାଏ, ତାହାକୁ ବେଆଇନ ଘୋଷଣା କରାଯାଇଛି ଜ୍ଝ ତେଣୁ ଏହିପରି ଯେକୌଣସି ବ୍ୟକ୍ତି / ଗୋଷ୍ଠୀ / ସଂଘ ଯିଏ ବେଆଇନ ଧର୍ମଘଟରେ ଆରମ୍ଭ କିମ୍ବା ଅଂଶଗ୍ରହଣ କରିଥାଏ କିମ୍ବା ଅନ୍ୟମାନଙ୍କୁ ଧାରଣ ପାଇଁ ଡାକିବାକୁ ଉତ୍ସାହିତ କରେ କିମ୍ବା ଧର୍ମଘଟ ପାଇଁ କୌଣସି କାର୍ୟ୍ୟ ପ୍ରସ୍ତୁତ କରେ, ତାକୁ ଓଡିଶା ଜରୁରୀ ସେବା (ରକ୍ଷଣାବେକ୍ଷଣ) ଅଧିନିୟମ ଅନୁଯାୟୀ ଆଇନଗତ କାର୍ୟ୍ୟାନୁଷ୍ଠାନର ସମ୍ମୁଖୀନ ହେବ । ଅଧିନିୟମ, ୧୯୮୮ ଏବଂ ଉପଯୁକ୍ତ ଭାବରେ ଧାରା ୬ ଏବଂ ଧାରା ୭ ରେ ବ୍ୟାଖ୍ୟା କରାଯାଇଥିବା ପରିଦଣ୍ଡର ସମ୍ମୁଖୀନ ହେବାକୁ ପଡିବ ବୋଲି ଟିଟିଲାଗଡ ଉପଜିଲ୍ଲାପାଳ ଶ୍ରୀ ଉପାଧ୍ୟାୟ ବର୍ଣ୍ଣନା କରିଛନ୍ତି।

Leave A Reply

Your email address will not be published.