ତୁରେକେଲା, (କୈଳାଶ ସଗ୍ରିଆ) : ଚଟୁଅନକା ଗ୍ରା:ପ: ଅନ୍ତର୍ଗତ ଚଟୁଅନକା ସ୍ଥିତ ସତନାମି ପଡ଼ାର ନିରୀହ ବିଧବା ବୃଦ୍ଧା ବୁଡୁ ସତନାମୀ ଭତ୍ତା ପାଇବାରେ ଉଚିତ୍ ହିତାଧିକାରୀ ହୋଇଥିଲେ ମଧ୍ୟ ଏ ପର୍ଯ୍ୟନ୍ତ ତାଙ୍କୁ ଭତ୍ତା ମିଳି ନଥିବା ଅଭିଯୋଗ ହୋଇଛି । ସ୍ଵାମୀ ସ୍ୱର୍ଗତ ଖୁବ ସତନାମି ଗତ ୨୩/୦୫/୨୧ରେ ଆରପାରିକୁ ଚାଲିଯାଇଥିବା ବେଳେ ଏବେ ପନିପରିବା ପସରା ବେପାର କରି କଷ୍ଟେ ମଷ୍ଟେ ଗୁଜୁରାଣ ମେଣ୍ଟାଉଛନ୍ତି ସେ । ପ୍ରଶାସନକୁ ଅନେକଥର ଗୁହାରି କରିଥିଲେ ସୁଦ୍ଧା ଏଯାଏଁ ବିଧବା ଭତ୍ତା ମିଳୁନାହିଁ । ତାଙ୍କୁ ତୁରନ୍ତ ଭତ୍ତା ପ୍ରଦାନ ପାଇଁ ସାଧାରଣରେ ଦାବୀ ହେଉଛି ।