ବୌଦ୍ଧ, (ବଂଶୀଧର ମାଝୀ) : ଶନିବାର ଜିଲାପାଳ ଲଲାଟେନ୍ଦୁ ମିଶ୍ରଙ୍କ ଅଧ୍ୟକ୍ଷତାରେ ତା ୨୫.୧୧.୨୦୨୧ ରିଖ ଦିନ ଆଭାସି ଜରିଆରେ ବିଜୁ ସ୍ୱାସ୍ଥ୍ୟ କଲ୍ୟାଣ ଯୋଜନାରେ ମୁଖ୍ୟମନ୍ତ୍ରୀଙ୍କ ଦ୍ୱାରା ବିଭିନ୍ନ ପ୍ରକଳ୍ପର ଶୁଭ ଉଦ୍ଘାଟନ ସହ ଭିତ୍ତିପ୍ରସ୍ତର ସ୍ଥାପନ ଏବଂ ନୂଆ ସ୍ମାର୍ଟକାର୍ଡ ବଣ୍ଟନ କରାଯିବା ନେଇ ଏକ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଯାଇଛି । ଜିଲାପାଳ ଶ୍ରୀ ମିଶ୍ର କାର୍ଯ୍ୟକ୍ରମର ସଫଳତା ପାଇଁ ଉପସ୍ଥିତ ସମସ୍ତ ଅଧିକାରୀଙ୍କ ସହଯୋଗ କାମନା କରିଥିଲେ । ଆସନ୍ତା ୨୬ ତାରିଖ ଦିନ ସକାଳ ୮ ଘଣ୍ଟାଠାରୁ ଜିଲାର ୬୯ଟି ପଞ୍ଚାୟତ ଓ ବୌଦ୍ଧ ଏନ୍ଏସିର ସ୍ମାର୍ଟକାର୍ଡ ବଣ୍ଟନ କରାଯିବ । କେଉଁ ପଞ୍ଚାୟତର କେଉଁସ୍ଥାନରେ ଏହି ସ୍ମାର୍ଟ କାର୍ଡ ବଣ୍ଟନ କରାଯିବ ସ୍ଥିର କରି ଗୋଷ୍ଠୀ ଉନ୍ନୟନ ଅଧିକାରୀମାନେ ତୁରନ୍ତ ତାଲିକା ପ୍ରଦାନ କରିବାକୁ ଜିଲାପାଳ ନିର୍ଦ୍ଦେଶ ଦେଇଥିଲେ । ସ୍ମାର୍ଟକାର୍ଡ ବଣ୍ଟନ ପାଇଁ ନିର୍ଦ୍ଧାରିତ ସ୍ଥାନମାନଙ୍କରେ ପାନୀୟ ଜଳ, ଶୃଙ୍ଖଳା ଓ ସୁରକ୍ଷା ବ୍ୟବସ୍ଥା, ଟେଣ୍ଟ ବ୍ୟବସ୍ଥା, ପୂର୍ବଦିନ ଆଶା ଓ ଅଙ୍ଗନବାଡି କର୍ମୀମାନଙ୍କ ଦ୍ୱାରା ଚିଠା ବଣ୍ଟନ ପାଇଁ ତାଲିମ ପ୍ରଦାନ କରାଯିବାକୁ ନିଷ୍ପତି ଗ୍ରହଣ କରାଯାଇଥିଲା । ସ୍ମାର୍ଟକାର୍ଡ ଯୋଜନା ସଂପର୍କରେ ଜିଲାପାଳ ଶ୍ରୀ ମିଶ୍ର ସମସ୍ତଙ୍କୁ ସୂଚନା ପ୍ରଦାନ କରିଥିଲେ । ସ୍ମାର୍ଟକାର୍ଡ ବଣ୍ଟନକୁ ଶୃଙ୍ଖଳିତ ଭାବରେ କରାଯିବାକୁ ଅଧିକାରୀମାନଙ୍କୁ ସ୍ୱତନ୍ତ୍ର ଭାବରେ ଦାୟିତ୍ୱ ପ୍ରଦାନ କରାଯାଇଛି ।
