ବ୍ରହ୍ମପୁର, (କେ. ସତ୍ୟନାରାୟଣ ରେଡ୍ଡୀ) : ଆମ୍ ଆଦମୀ ପାର୍ଟି ତରଫରୁ ଛତ୍ରପୁର ଠାରେ ଏକ ସାଂଗଠନିକ ବୈଠକ ରବିବାର ଅନୁଷ୍ଠିତ ହୋଇଯାଇଛି । ଗଞ୍ଜାମ ଜିଲ୍ଲା ସଭାପତି ସୁବାଷ ରାଉତଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି ବୈଠକରେ ଦଳୀୟ ସଂଗଠନକୁ ମଜବୁତ୍ କରିବା ଲାଗି ଆପ୍ରାଣ ଉଦ୍ୟମ ଜାରୀ ରଖି ସଫଳତା ଦିଗରେ ଜନସମ୍ପର୍କ ପ୍ରତି ଧ୍ୟାନ ଦେବାକୁ କୁହାଯାଇଛି । ସର୍ବଶ୍ରୀ ରତିକାନ୍ତ ନାୟକ, ପଦ୍ମନାଭ ମହାରଣା, ଶ୍ୟାମଘନ ରାଉତ୍, ଶ୍ରୀମତୀ ମିନତୀ ସ୍ୱାଇଁ, ଯୁବରାଜ ବେହେରା, ବିରଞ୍ଚି ମହାରଣା, ରମେଶ ଚନ୍ଦ୍ର ବେହେରା, ହାକିମ ଖାନ୍ ପ୍ରମୁଖ ଯୋଗଦେଇ ପାର୍ଟିର ସଂଗଠନ ମୂଳକ ଦାୟିତ୍ୱ ଉପରେ ଆଲୋଚନା କରିଥିଲେ । ଏହି ବୈଠକରେ ଆମ୍ ଆଦମୀ ପାର୍ଟିର ଛତ୍ରପୁର ନିର୍ବାଚନ ମଣ୍ଡଳୀ ଦାୟିତ୍ୱରେ ଅଜାମ୍ବିଳ ବିଶ୍ଵାଳଙ୍କୁ ସଂଗଠନ ତୁଲାଇବା ନିମନ୍ତେ ଦାୟିତ୍ୱ ଦିଆଯାଇଥିବା ବେଳେ ଏଥିରେ ମନୋଜ ରାଉଳ, ସନ୍ତୋଷ ସେଠୀଙ୍କୁ ସହ-ସଂଯୋଜକ ଭାବେ ଦାୟିତ୍ଵ ଗଠିତ କୋର କମିଟି ତତଫରୁ ହସ୍ତାନ୍ତର ଦିଆଯାଇଛି । ସୋସିଆଲ ମିଡ଼ିଆ ମାଧ୍ୟମରେ ଏବଂ ଲୋକଙ୍କୁ ସଚେତନତା ସୃଷ୍ଟି କରି ଆଗାମୀ ଦିନରେ ଆମ୍ ଆଦମୀ ପାର୍ଟି ତରଫରୁ ଦଳକୁ ମଜବୁତ୍ କରାଯିବା ନିମନ୍ତେ ରଣନୀତି ପ୍ରସ୍ତୁତ ହୋଇଛି ବୋଲି ଜିଲ୍ଲା ସଭାପତି ସୁବାଷ ରାଉତ୍ ପ୍ରକାଶ କରିଛନ୍ତି ।