ତାଳଚେର, (ଆର୍ତ୍ତତ୍ରାଣ ପାଣି) : ତାଳଚେର ଉପଖଣ୍ଡରେ ଥିବା ବିଭିନ୍ନ ପୋଷ୍ଟ ଅଫିସ୍ରେ ଆର୍.ଟି.ଆଇ. ନିମନ୍ତେ ବ୍ୟବହୃତ ହେଉଥିବା ଦଶ ଟଙ୍କିଆ ଇଣ୍ଡିଆନ୍ ପୋଷ୍ଟାଲ ଅର୍ଡର ଗୁଡିକ ଉପଲବ୍ଧ ହେଉ ନଥିବା ଅନେକ ଆର୍.ଟି.ଆଇ କର୍ମକର୍ତ୍ତାଙ୍କ ଠାରୁ ଶୁଣିବାକୁ ମିଳୁଛି । ତାଳଚେର ହାତତୋଟା, ଦେଉଳବଡା, ଡେରା, ବାଲଣ୍ଡା ଆଦି ସ୍ଥାନରେ ଥିବା ପୋଷ୍ଟ ଅଫିସରେ ମୁଖ୍ୟତଃ ଏହା ବର୍ତ୍ତମାନ ଉପଲବ୍ଧ ନଥିବାରୁ ଅନେକ ଆର୍.ଟି.ଆଇ କର୍ମକର୍ତ୍ତା ଅସନ୍ତୋଷ ବ୍ୟକ୍ତ କରୁଥିବା ପରିଲକ୍ଷିତ ହେଉଛି । ଏହି ପୋଷ୍ଟ ଅଫିସ ଗୁଡିକ ଯଥା ଶୀଘ୍ର ଏ ଦିଗରେ ପଦକ୍ଷେପ ନେବେ ବୋଲି ଏ ଦିଗରେ କାର୍ଯ୍ୟରତ କର୍ମକର୍ତ୍ତା ଆଶା ରଖିଛନ୍ତି ।