ଝାଡ଼ଖଣ୍ଡର ହଜାରୀବାଗରେ ୮୦,୦୦୦ କୋଟିରୁ ଅଧିକ ଟଙ୍କାର ବିଭିନ୍ନ ପ୍ରକଳ୍ପର ଶିଳାନ୍ୟାସ ଏବଂ ଉଦ୍ଘାଟନ କରିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ
- ଧର୍ତ୍ତି ଆବା ଜନଜାତିୟ ଗ୍ରାମ ଉତ୍କର୍ଷ ଅଭିଯାନର ଶୁଭାରମ୍ଭ ସହିତ ପ୍ରାୟ ୫୫୦ଟି ଜିଲ୍ଲାର ୬୩୦୦୦ ଆଦିବାସୀ ଗାଁ ଉପକୃତ ହେବେ
- ୪୦ଟି ଏକଲବ୍ୟ ବିଦ୍ୟାଳୟର ଉଦ୍ଘାଟନ ସହ ୨୫ଟି ଏକଲବ୍ୟ ବିଦ୍ୟାଳୟର ଶିଳାନ୍ୟାସ
- ପ୍ରଧାନମନ୍ତ୍ରୀ-ଜନମନ ଅଧୀନରେ ଏକାଧିକ ପ୍ରକଳ୍ପର ଉଦ୍ଘାଟନ ଓ ଶିଳାନ୍ୟାସ
- ଆଜିର ପ୍ରକଳ୍ପ ଆଦିବାସୀ ସମାଜ ପ୍ରତି ସରକାରଙ୍କ ପ୍ରାଥମିକତାର ପ୍ରମାଣ
ନୂଆଦିଲ୍ଲୀ, (ପିଆଇବି) : ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଆଜି ଝାଡ଼ଖଣ୍ଡର ହଜାରୀବାଗରେ ୮୦,୦୦୦ କୋଟି ଟଙ୍କାରୁ ଅଧିକ ମୂଲ୍ୟର ବିଭିନ୍ନ ପ୍ରକଳ୍ପର ଉଦ୍ଘାଟନ ଏବଂ ଶିଳାନ୍ୟାସ କରିଛନ୍ତି । ଶ୍ରୀ ମୋଦୀ ଧର୍ତ୍ତି ଆବା ଜନଜାତିୟ ଗ୍ରାମ ଉତ୍କର୍ଷ ଅଭିଯାନର ଶୁଭାରମ୍ଭ କରିଥିଲେ, ୪୦ଟି ଏକଲବ୍ୟ ଆଦର୍ଶ ଆବାସିକ ବିଦ୍ୟାଳୟ (ଇଏମ୍ଆର୍ଏସ୍)ର ଉଦ୍ଘାଟନ କରିଥିଲେ ଏବଂ ୨୫ଟି ଇଏମ୍ଆରଏସ ଶିଳାନ୍ୟାସ କରିଥିଲେ ଏବଂ ପ୍ରଧାନମନ୍ତ୍ରୀ ଜନଜାତି ଆଦିବାସୀ ନ୍ୟାୟ ମହା ଅଭିଯାନ (ପିଏମ୍-ଜନମନ) ଅଧୀନରେ ଏକାଧିକ ପ୍ରକଳ୍ପର ଉଦ୍ଘାଟନ ଓ ଶିଳାନ୍ୟାସ କରିଥିଲେ । ସଭାକୁ ସମ୍ବୋଧିତ କରି ପ୍ରଧାନମନ୍ତ୍ରୀ ଝାଡ଼ଖଣ୍ଡର ବିକାଶ ଯାତ୍ରାର ଅଂଶ ହୋଇଥିବାରୁ କୃତଜ୍ଞତା ଜ୍ଞାପନ କରିଥିଲେ ଏବଂ ଶହ ଶହ କୋଟି ଟଙ୍କାର ଉନ୍ନୟନ ମୂଳକ ପ୍ରକଳ୍ପର ଉଦଘାଟନ ପାଇଁ କିଛି ଦିନ ତଳେ ଜାମସେଦପୁର ଗସ୍ତ କରିଥିବା କଥା ମନେ ପକାଇଥିଲେ । ପ୍ରଧାନମନ୍ତ୍ରୀ ଆବାସ ଯୋଜନାରେ ଝାଡ଼ଖଣ୍ଡର ହଜାର ହଜାର ଗରିବଙ୍କୁ ପକ୍କା ଘର ହସ୍ତାନ୍ତର କରିବା ବିଷୟରେ ଶ୍ରୀ ମୋଦୀ ଉଲ୍ଲେଖ କରିଥିଲେ । ୮୦,୦୦୦ କୋଟି ଟଙ୍କାରୁ ଅଧିକ ମୂଲ୍ୟର ଆଦିବାସୀ ସମ୍ପ୍ରଦାୟର ସଶକ୍ତୀକରଣ ଏବଂ କଲ୍ୟାଣ ସମ୍ବନ୍ଧୀୟ ଆଜିର ପ୍ରକଳ୍ପଗୁଡିକ ବିଷୟରେ ଉଲ୍ଲେଖ କରି ପ୍ରଧାନମନ୍ତ୍ରୀ କହିଥିଲେ ଯେ, ଏହା ଆଦିବାସୀ ସମ୍ପ୍ରଦାୟ ପ୍ରତି ସରକାରଙ୍କ ପ୍ରାଥମିକତାର ପ୍ରମାଣ । ପ୍ରଧାନମନ୍ତ୍ରୀ ମୋଦୀ ଆଜିର ପ୍ରକଳ୍ପ ପାଇଁ ଝାଡ଼ଖଣ୍ଡ ଏବଂ ଭାରତବାସୀଙ୍କୁ ଅଭିନନ୍ଦନ ଜଣାଇଛନ୍ତି । ମହାତ୍ମା ଗାନ୍ଧୀଜୀଙ୍କ ଜୟନ୍ତୀ ଅବସରରେ ପ୍ରଧାନମନ୍ତ୍ରୀ କହିଥିଲେ ଯେ, ଆଦିବାସୀ କଲ୍ୟାଣ ଦିଗରେ ତାଙ୍କର ଦୃଷ୍ଟିକୋଣ ଏବଂ ଚିନ୍ତାଧାରା ହେଉଛି ଭାରତର ରାଜଧାନୀ । ମହାତ୍ମା ଗାନ୍ଧୀ ବିଶ୍ୱାସ କରିଥିଲେ ଯେ, ଆଦିବାସୀ ସମାଜ ଦ୍ରୁତ ଗତିରେ ଅଗ୍ରଗତି କଲେ ହିଁ ଭାରତ ପ୍ରଗତି କରିପାରିବ । ବର୍ତ୍ତମାନର ସରକାର ଆଦିବାସୀ ଉନ୍ନତି ଦିଗରେ ସର୍ବାଧିକ ଧ୍ୟାନ ଦେଉଥିବାରୁ ଶ୍ରୀ ମୋଦୀ ସନ୍ତୋଷ ବ୍ୟକ୍ତ କରିବା ସହ ଆଜି ଧର୍ତ୍ତି ଆବା ଜନଜାତି ଗ୍ରାମ ଉତ୍କର୍ଷ ଅଭିଯାନର ଶୁଭାରମ୍ଭ କରିଛନ୍ତି ଯେଉଁଥିରେ ପାଖାପାଖି ୮୦ ହଜାର କୋଟି ଟଙ୍କା ବ୍ୟୟରେ ପାଖାପାଖି ୫୫୦ ଟି ଜିଲ୍ଲାର ୬୩,୦୦୦ ଆଦିବାସୀ ଅଧ୍ୟୁଷିତ ଗ୍ରାମର ବିକାଶ କରାଯିବ । ଏହି ଆଦିବାସୀ ଅଧ୍ୟୁଷିତ ଗ୍ରାମଗୁଡ଼ିକର ସାମାଜିକ-ଅର୍ଥନୈତିକ ଜୀବନରେ ଉନ୍ନତି ଆଣିବା ପାଇଁ କାର୍ଯ୍ୟ କରାଯିବ ଏବଂ ଏହାର ସୁଫଳ ଦେଶର ୫ କୋଟିରୁ ଅଧିକ ଆଦିବାସୀ ଭାଇଭଉଣୀଙ୍କ ପାଖରେ ପହଞ୍ଚିବ ବୋଲି ପ୍ରଧାନମନ୍ତ୍ରୀ ମୋଦୀ ସୂଚନା ଦେଇଥିଲେ । ଏହାଦ୍ୱାରା ଝାଡ଼ଖଣ୍ଡର ଆଦିବାସୀ ସମାଜ ମଧ୍ୟ ବହୁତ ଉପକୃତ ହେବ ବୋଲି ସେ କହିଛନ୍ତି । ଭଗବାନ ବିର୍ସାମୁଣ୍ଡାଙ୍କ ଭୂମିରୁ ଧର୍ତ୍ତି ଆବା ଜନଜାତି ଗ୍ରାମ ଉତ୍କର୍ଷ ଅଭିଯାନ ଆରମ୍ଭ ହୋଇଥିବାରୁ ପ୍ରଧାନମନ୍ତ୍ରୀ ଖୁସି ବ୍ୟକ୍ତ କରିଥିଲେ । ଗବାନ ବିର୍ସାମୁଣ୍ଡାଙ୍କ ଜୟନ୍ତୀ ଅବସରରେ ଝାଡ଼ଖଣ୍ଡରୁ ପିଏମ୍-ଜନମନ ଯୋଜନାର ଶୁଭାରମ୍ଭ କରାଯାଇଥିଲା ବୋଲି ପ୍ରଧାନମନ୍ତ୍ରୀ ସ୍ମରଣ କରିଥିଲେ । ସେ ଘୋଷଣା କରିଥିଲେ ଯେ, ୧୫ ନଭେମ୍ବର ୨୦୨୪ରେ, ଜନଜାତି ଗୌରବ ଦିବସରେ, ଭାରତ ପିଏମ୍-ଜନମନ ଯୋଜନାର ପ୍ରଥମ ବାର୍ଷିକୀ ପାଳନ କରିବ । ପ୍ରଧାନମନ୍ତ୍ରୀ-ଜନମନ ଯୋଜନା ଜରିଆରେ ବିକାଶର ସୁଫଳ ଦେଶର ସେହି ଆଦିବାସୀ ଅଂଚଳରେ ପହଞ୍ଚୁଛି ଯାହା ପଛରେ ପଡିଯାଇଛି ବୋଲି ସେ କହିଛନ୍ତି । ପ୍ରଧାନମନ୍ତ୍ରୀ-ଜନମନ ଯୋଜନା ଅଧୀନରେ ଆଜି ପ୍ରାୟ ୧୩୫୦ କୋଟି ଟଙ୍କାର ଉନ୍ନୟନ ମୂଳକ କାର୍ଯ୍ୟର ଶିଳାନ୍ୟାସ କରାଯାଇଛି ବୋଲି ଶ୍ରୀ ମୋଦୀ ଆଲୋକପାତ କରିଥିଲେ । ଏହି ଯୋଜନା ସମ୍ପର୍କରେ ସେ କହିଥିଲେ ଯେ, ଅତି ପଛୁଆ ଆଦିବାସୀ ଅଂଚଳରେ ଉନ୍ନତ ଜୀବନ ପାଇଁ ଶିକ୍ଷା, ସ୍ୱାସ୍ଥ୍ୟ ଓ ସଡକ ଭଳି ସୁବିଧା ନିର୍ମାଣ କରାଯିବ । ଝାଡ଼ଖଣ୍ଡରେ ପିଏମ୍-ଜନମନ ଯୋଜନାର ପ୍ରଥମ ବର୍ଷରେ ହିଁ ଏକାଧିକ ସଫଳତା ଉପରେ ଆଲୋକପାତ କରି ଶ୍ରୀ ମୋଦୀ କହିଥିଲେ ଯେ, ୯୫୦ରୁ ଅଧିକ ଅତ୍ୟନ୍ତ ପଛୁଆ ଗ୍ରାମରେ ପ୍ରତ୍ୟେକ ଘରକୁ ଜଳ ଯୋଗାଣ କାର୍ଯ୍ୟ ସମ୍ପୂର୍ଣ୍ଣ ହୋଇଛି । ରାଜ୍ୟରେ ୩୫ଟି ବନଧନ ବିକାଶ କେନ୍ଦ୍ରକୁ ମଧ୍ୟ ଅନୁମୋଦନ ମିଳିଛି । ଦୁର୍ଗମ ଆଦିବାସୀ ଅଂଚଳକୁ ମୋବାଇଲ୍ ସଂଯୋଗ ସହ ଯୋଡ଼ିବା ପାଇଁ କରାଯାଉଥିବା କାର୍ଯ୍ୟ ଉପରେ ମଧ୍ୟ ପ୍ରଧାନମନ୍ତ୍ରୀ ଆଲୋକପାତ କରିଥିଲେ ଯାହା ପ୍ରଗତିର ସମାନ ସୁଯୋଗ ପ୍ରଦାନ କରି ଆଦିବାସୀ ସମାଜରେ ପରିବର୍ତ୍ତନ ଆଣିବାରେ ସହାୟକ ହେବ । ଆଦିବାସୀ ଯୁବକ, ଯୁବତୀ ମାନେ ଶିକ୍ଷା ଓ ସୁଯୋଗ ପାଇଲେ ଆଦିବାସୀ ସମାଜର ପ୍ରଗତି ହେବ ବୋଲି ପ୍ରଧାନମନ୍ତ୍ରୀ ଗୁରୁତ୍ୱାରୋପ କରିଥିଲେ । ଏଥିପାଇଁ ସରକାର ଆଦିବାସୀ ଅଂଚଳରେ ଏକଲବ୍ୟ ଆବାସିକ ବିଦ୍ୟାଳୟ ନିର୍ମାଣ ଅଭିଯାନରେ ଲାଗିଛନ୍ତି ବୋଲି ଶ୍ରୀ ମୋଦୀ କହିଥିଲେ । ଆଜି ୪୦ଟି ଏକଲବ୍ୟ ଆବାସିକ ବିଦ୍ୟାଳୟର ଉଦ୍ଘାଟନ ଏବଂ ୨୫ଟି ନୂତନ ବିଦ୍ୟାଳୟର ଶିଳାନ୍ୟାସ ବିଷୟରେ ଉଲ୍ଲେଖ କରି ପ୍ରଧାନମନ୍ତ୍ରୀ କହିଥିଲେ ଯେ, ଏକଲବ୍ୟ ବିଦ୍ୟାଳୟଗୁଡ଼ିକୁ ସମସ୍ତ ଆଧୁନିକ ସୁବିଧାସୁଯୋଗରେ ସଜ୍ଜିତ କରାଯିବା ଉଚିତ୍ ଏବଂ ଉଚ୍ଚମାନର ଶିକ୍ଷା ପ୍ରଦାନ କରାଯିବା ଉଚିତ । ଏଥିପାଇଁ ସରକାର ପ୍ରତ୍ୟେକ ସ୍କୁଲର ବଜେଟ୍କୁ ପ୍ରାୟ ଦ୍ୱିଗୁଣିତ କରିଛନ୍ତି ବୋଲି ସେ କହିଛନ୍ତି । ସଠିକ୍ ପ୍ରୟାସ କରାଗଲେ ସକାରାତ୍ମକ ଫଳାଫଳ ମିଳିଥାଏ ବୋଲି ପ୍ରଧାନମନ୍ତ୍ରୀ ଗୁରୁତ୍ୱାରୋପ କରିଥିଲେ । ଆଦିବାସୀ ଯୁବକମାନେ ଆଗକୁ ବଢ଼ିବେ ଏବଂ ସେମାନଙ୍କ ସାମର୍ଥ୍ୟରୁ ଦେଶ ଉପକୃତ ହେବ ବୋଲି ସେ ବିଶ୍ୱାସ ବ୍ୟକ୍ତ କରିଥିଲେ । ଅନ୍ୟମାନଙ୍କ ମଧ୍ୟରେ ଝାଡ଼ଖଣ୍ଡ ରାଜ୍ୟପାଳ ସନ୍ତୋଷ ଗଙ୍ଗୱାର ଓ ଆଦିବାସୀ ବ୍ୟାପାର ମନ୍ତ୍ରୀ ଜୁଏଲ ଓରାମ ଉପସ୍ଥିତ ଥିଲେ ।
ପୃଷ୍ଠଭୂମି :
ସମଗ୍ର ଦେଶରେ ଆଦିବାସୀ ସମ୍ପ୍ରଦାୟର ବ୍ୟାପକ ଏବଂ ସାମଗ୍ରିକ ବିକାଶ ସୁନିଶ୍ଚିତ କରିବା ପାଇଁ ତାଙ୍କର ପ୍ରତିବଦ୍ଧତା ଅନୁଯାୟୀ ପ୍ରଧାନମନ୍ତ୍ରୀ ମୋଟ ୮୦,୦୦୦ କୋଟି ଟଙ୍କାରୁ ଅଧିକ ବ୍ୟୟ ଅଟକଳରେ ଧାର୍ତ୍ତି ଆବା ଜନଜାତି ଗ୍ରାମ ଉତ୍କର୍ଷ ଅଭିଯାନର ଶୁଭାରମ୍ଭ କରିଥିଲେ । ଏହି ଅଭିଯାନରେ ୩୦ଟି ରାଜ୍ୟ ଓ କେନ୍ଦ୍ରଶାସିତ ଅଞ୍ଚଳର ୫୪୯ ଟି ଜିଲ୍ଲା ଏବଂ ୨୭୪୦ଟି ବ୍ଲକର ୫ କୋଟିରୁ ଅଧିକ ଆଦିବାସୀ ଲୋକ ଉପକୃତ ହେଉଥିବା ପ୍ରାୟ ୬୩,୦୦୦ ଗ୍ରାମକୁ ଅନ୍ତର୍ଭୁକ୍ତ କରାଯିବ । ଭାରତ ସରକାରଙ୍କ ବିଭିନ୍ନ ୧୭ ଟି ମନ୍ତ୍ରଣାଳୟ ଏବଂ ବିଭାଗ ଦ୍ୱାରା କାର୍ଯ୍ୟକାରୀ କରାଯାଇଥିବା ୨୫ଟି ହସ୍ତକ୍ଷେପ ମାଧ୍ୟମରେ ସାମାଜିକ ଭିତ୍ତିଭୂମି, ସ୍ୱାସ୍ଥ୍ୟ, ଶିକ୍ଷା ଏବଂ ଜୀବିକାକ୍ଷେତ୍ରରେ ଗୁରୁତ୍ୱପୂର୍ଣ୍ଣ ବ୍ୟବଧାନକୁ ପୂରଣ କରିବା ଏହାର ଲକ୍ଷ୍ୟ । ଆଦିବାସୀ ସମ୍ପ୍ରଦାୟର ଶିକ୍ଷା ଭିତ୍ତିଭୂମିକୁ ପ୍ରୋତ୍ସାହିତ କରିବା ପାଇଁ ପ୍ରଧାନମନ୍ତ୍ରୀ ୪୦ଟି ଏକଲବ୍ୟ ଆଦର୍ଶ ଆବାସିକ ବିଦ୍ୟାଳୟ (ଇଏମ୍ଆରଏସ)ର ଉଦ୍ଘାଟନ କରିବା ସହ ୨,୮୦୦ କୋଟି ଟଙ୍କାରୁ ଅଧିକ ମୂଲ୍ୟର ୨୫ଟି ଇଏମ୍ଆର୍ଏସ୍ର ଶିଳାନ୍ୟାସ କରିଥିଲେ । ପ୍ରଧାନମନ୍ତ୍ରୀ ପ୍ରଧାନମନ୍ତ୍ରୀ ଜନଜାତି ନ୍ୟାୟ ମହାଅଭିଯାନ (ପିଏମ୍-ଜନମନ) ଅଧୀନରେ ୧୩୬୦ କୋଟି ଟଙ୍କାରୁ ଅଧିକ ମୂଲ୍ୟର ଏକାଧିକ ପ୍ରକଳ୍ପର ଉଦ୍ଘାଟନ ଏବଂ ଶିଳାନ୍ୟାସ କରିଥିଲେ । ଏଥିରେ ୧୩୮୦ କିଲୋମିଟରରୁ ଅଧିକ ରାସ୍ତା, ୧୨୦ଟି ଅଙ୍ଗନଓ୍ୱାଡ଼ି, ୨୫୦ଟି ବହୁମୁଖୀ କେନ୍ଦ୍ର ଓ ୧୦ଟି ସ୍କୁଲ ହଷ୍ଟେଲ ରହିଛି । ଏହାବ୍ୟତୀତ ସେ ପ୍ରଧାନମନ୍ତ୍ରୀ ଜନମନଙ୍କ ଅଧୀନରେ ଅନେକ ଐତିହାସିକ ସଫଳତାର ଶୁଭାରମ୍ଭ କରିଛନ୍ତି, ଯେଉଁଥିରେ ପ୍ରାୟ ୩୦୦୦ ଗ୍ରାମରେ ୭୫,୮୦୦ରୁ ଅଧିକ ବିଶେଷ ଭାବେ ଦୁର୍ବଳ ଜନଜାତି ଗୋଷ୍ଠୀ (ପିଭିଟିଜି) ପରିବାରକୁ ବିଦ୍ୟୁତୀକରଣ, ୨୭୫ଟି ଭ୍ରାମ୍ୟମାଣ ଚିକିତ୍ସା ୟୁନିଟ୍ କାର୍ଯ୍ୟକ୍ଷମ କରିବା, ୫୦୦ଟି ଅଙ୍ଗନବାଡ଼ି କେନ୍ଦ୍ର କାର୍ଯ୍ୟର୍କ୍ଷମ କରିବା, ୨୫୦ଟି ବନ ଧନ ବିକାଶ କେନ୍ଦ୍ର ପ୍ରତିଷ୍ଠା ଏବଂ ‘ନଲ ସେ ଜଳ’ ସହିତ ୫,୫୫୦ରୁ ଅଧିକ ପିଭିଟିଜି ଗ୍ରାମକୁ ସାମିଲ କରିବା ଅନ୍ତର୍ଭୁକ୍ତ ।