ପରାଜୟ ପାଇଁ ଟ୍ରମ୍ପ ଗଣମାଧ୍ୟମକୁ ଦାୟୀ କଲେ : କହିଲେ, ଏମାନଙ୍କୁ ନିର୍ବାଚନରେ ହସ୍ତକ୍ଷେପରୁ ଦୂରେଇ ରଖାଯାଉ
ୱାଶିଂଟନ୍ : ଆମେରିକାର ରାଷ୍ଟ୍ରପତି ନିର୍ବାଚନରେ ପରାଜୟ ପାଇଁ ଡୋନାଲ୍ଡ ଟ୍ରମ୍ପ ମୁଖ୍ୟ ସ୍ରୋତର ଗଣମାଧ୍ୟମକୁ ଦାୟୀ କରିଛନ୍ତି । ଗଣମାଧ୍ୟମକୁ ନିର୍ବାଚନରେ ହସ୍ତକ୍ଷେପ ନ କରିବାକୁ ସେ ଦାବୀ କରିଛନ୍ତି । ସୋମବାର ଡୋନାଲ୍ଡ ଟ୍ରମ୍ପ କହିଛନ୍ତି ଯେ, ନିର୍ବାଚନରେ ଗଣମାଧ୍ୟମର ମନୋଭାବ ଏତେ ଭୁଲ ଥିଲା ଯେ ଭୋଟରଙ୍କ ପ୍ରଚାର ପାଇଁ ଆର୍ଥିକ ପ୍ରଲୋଭନ ଅପେକ୍ଷା ଏହା ଏକ ଗୁରୁତର ପ୍ରସଙ୍ଗ ।
ଟ୍ରମ୍ପ ଟ୍ୱିଟ୍ କରି କହିଛନ୍ତି ଯେ, ଫାକ୍ସ ନ୍ୟୁଜ୍, କୁଇନିପିଆକ୍ ପୋଲ୍, ଏବିସି ଏବଂ ୱାଶିଂଟନ୍ ପୋଷ୍ଟ, ଏନବିସି ଏବଂ ୱାଲ୍ ଷ୍ଟ୍ରିଟ୍ ଜର୍ଣ୍ଣାଲ ମୋ ବିଷୟରେ ହୋଇଥିବା ସର୍ଭେରେ ଏତେ ଭୁଲ ତଥ୍ୟ ଦେଇଥିଲେ ଯେ ଏହା ନିର୍ବାଚନକୁ ପ୍ରଭାବିତ କରିଥିଲା । ଟ୍ରମ୍ପ କହିଛନ୍ତି ଯେ, ଏମାନେ ତାଙ୍କ ମତଦାନ ଉପରେ ଅଧିକ ଚାପ ପକାଇବାକୁ ଚେଷ୍ଟା କରିଛନ୍ତି ଏବଂ ଏହାକୁ ନିର୍ବାଚନରେ ହସ୍ତକ୍ଷେପ ବୋଲି ବିଚାର କରାଯିବା ଉଚିତ ।
