ମହାରାଷ୍ଟ୍ରର ରାଜନୈତିକ ସଙ୍କଟରେ ଟିଏମ୍ସିର ପ୍ରବେଶ, ମମତା ବାନାର୍ଜୀ କହିଲେ – ‘ବିଧାୟକମାନଙ୍କୁ ପଶ୍ଚିମବଙ୍ଗକୁ ପଠାନ୍ତୁ, ଆମେ ଆତିଥ୍ୟ ଦେବୁ’
ନୂଆଦିଲ୍ଲୀ : ମହାରାଷ୍ଟ୍ରରେ ଏବେ ରାଜନୈତିକ ସଙ୍କଟ ଦେଖାଦେଇଛି । ଅନେକ ଶିବସେନା ବିଧାୟକ ସିଏମ୍ ଉଦ୍ଧବ ଠାକରେଙ୍କ ବିରୁଦ୍ଧରେ ବିଦ୍ରୋହ ଆରମ୍ଭ କରିଛନ୍ତି । ସମସ୍ତ ବିଦ୍ରୋହୀ ବିଧାୟକମାନେ ବର୍ତ୍ତମାନ ଗୁଆହାଟୀର ହୋଟେଲ ରେଡିସନ୍ ବ୍ଲୁରେ ରହିଛନ୍ତି । ବର୍ତ୍ତମାନ ଟିଏମ୍ସି ମଧ୍ୟ ମହାରାଷ୍ଟ୍ରର ରାଜନୈତିକ ସଙ୍କଟରେ ପ୍ରବେଶ କରିଛି । ଗୁରୁବାର ଦିନ ଟିଏମ୍ସିର ଆସାମ ୟୁନିଟ କର୍ମୀମାନେ ହୋଟେଲ ରେଡିସନ ବ୍ଲୁ ବାହାରେ ବିରୋଧ ପ୍ରଦର୍ଶନ କରିଛନ୍ତି । ବର୍ତ୍ତମାନ ପଶ୍ଚିମବଙ୍ଗ ସିଏମ ମମତା ବାନାର୍ଜୀ ମହାରାଷ୍ଟ୍ରର ରାଜନୈତିକ ପରିସ୍ଥିତିକୁ ନେଇ ବିଜେପିକୁ ଟାର୍ଗେଟ କରିଛନ୍ତି ।
ଗଣମାଧ୍ୟମର ଖବର ଅନୁଯାୟୀ, ମୁଖ୍ୟମନ୍ତ୍ରୀ ମମତା ବାନାର୍ଜୀ ଗୁରୁବାର ଦିନ ବିଜେପି ବିକାଶମୁଖୀ ସରକାରକୁ ହଟାଇବାକୁ ଚେଷ୍ଟା କରୁଥିବା ଅଭିଯୋଗ କରିଛନ୍ତି । ଆସାମର ବନ୍ୟା ପ୍ରଭାବିତ ରାଜ୍ୟକୁ କାହିଁକି ବିଧାୟକମାନଙ୍କୁ ପଠାଯାଉଛି ବୋଲି ସେ ପଚାରିବା ସହ କହିଛନ୍ତି ଯେ, ମହାରାଷ୍ଟ୍ରର ବିଧାୟକମାନଙ୍କୁ ପଶ୍ଚିମବଙ୍ଗକୁ ପଠାନ୍ତୁ, ଆମେ ସେମାନଙ୍କୁ ଆତିଥ୍ୟ ପ୍ରଦାନ କରିବୁ ।