ଜାମ୍ମୁ : ଜାମ୍ମୁ ବିମାନବନ୍ଦରର ବୈଷୟିକ ଅଞ୍ଚଳରେ ଦୁଇଟି ବିସ୍ଫୋରଣ ଘଟିଛି । ଜଣେ ଅଧିକାରୀ ଏ ବିଷୟରେ ସୂଚନା ଦେଇଛନ୍ତି । ସେ କହିଛନ୍ତି ଯେ, ଜାମ୍ମୁ ବିମାନବନ୍ଦରର ବୈଷୟିକ ଅଞ୍ଚଳରେ ଦୁଇଟି ବିସ୍ଫୋରଣ ଶୁଣାଯାଇଛି । ଘଟଣା ପରେ ବମ୍ ଡିସପୋଜାଲ୍ ସ୍କ୍ୱାର୍ଡ ଏବଂ ଫୋରେନସିକ୍ ଟିମ୍ ଘଟଣାସ୍ଥଳରେ ଉପସ୍ଥିତ ଅଛନ୍ତି ।
ଅଧିକାରୀ କହିଛନ୍ତି ଯେ, ଜାମ୍ମୁ ବିମାନବନ୍ଦରର ଉଚ୍ଚ-ସୁରକ୍ଷା ବୈଷୟିକ ଅଞ୍ଚଳରେ ଗତ ବିଳମ୍ବିତ ରାତିରେ ପାଞ୍ଚ ମିନିଟ୍ ବ୍ୟବଧାନରେ ଦୁଇଟି ବିସ୍ଫୋରଣ ଘଟିଛି । ଏହି ବିସ୍ଫୋରଣ ବିଳମ୍ବିତ ରାତି ପ୍ରାୟ ୨.୧୫ ସମୟରେ ଘଟିଥିଲା । ପ୍ରଥମ ବିସ୍ଫୋରଣରେ କୋଠାର ଛାତ ଭୁଷୁଡି ପଡିଥିଲା ଏବଂ ଦ୍ୱିତୀୟ ବିସ୍ଫୋରଣ ଭୂମିରେ ଘଟିଥିଲା ।
ଏହି ବିସ୍ଫୋରଣରେ କୌଣସି କ୍ଷୟକ୍ଷତି ସମ୍ପର୍କରେ ତୁରନ୍ତ ସୂଚନା ମିଳି ନଥିବା ସେ କହିଛନ୍ତି । ସୁରକ୍ଷା ବାହିନୀ କିଛି ମିନିଟ୍ ମଧ୍ୟରେ ଏହି ଅଞ୍ଚଳକୁ ସିଲ୍ କରିଥିଲେ । ବରିଷ୍ଠ ଅଧିକାରୀ, ପୋଲିସ ଏବଂ ଫୋରେନସିକ୍ ବିଶେଷଜ୍ଞମାନେ ଘଟଣାସ୍ଥଳରେ ପହଞ୍ଚିଛନ୍ତି । ଏ ବାବଦରେ ଏପର୍ଯ୍ୟନ୍ତ କୌଣସି ସରକାରୀ ବିବୃତ୍ତି ନାହିଁ ।
