ରାହୁଲ ଗାନ୍ଧୀଙ୍କୁ ଇଡି ପକ୍ଷରୁ ପଚରାଉଚରା ଜାରି, ସାରା ଦେଶରେ କଂଗ୍ରେସ ପକ୍ଷରୁ ପ୍ରତିବାଦରେ
ନୂଆଦିଲ୍ଲୀ : ରାହୁଲ ଗାନ୍ଧୀ ଆଜି ଇଡି ମୁଖ୍ୟାଳୟରେ ନ୍ୟାସନାଲ ହେରାଲ୍ଡ ମାମଲାରେ ହାଜର ହୋଇଛନ୍ତି । ଇଡ଼ି ମୁଖ୍ୟାଳୟକୁ ଯିବା ପୂର୍ବରୁ ତାଙ୍କ ଭଉଣୀ ପ୍ରିୟଙ୍କା ଗାନ୍ଧୀ ଭଦ୍ରା ତାଙ୍କୁ ଭେଟିବା ପାଇଁ ତାଙ୍କ ଘରେ ପହଞ୍ଚିଥିଲେ । ଏହି ସମୟରେ ରାହୁଲଙ୍କ ସମର୍ଥନରେ ସ୍ଲୋଗାନ ଦେଉଥିବା ଅନେକ କଂଗ୍ରେସ କର୍ମୀଙ୍କୁ ଦିଲ୍ଲୀ ପୋଲିସ କଂଗ୍ରେସ ମୁଖ୍ୟାଳୟ ବାହାରେ ଅଟକାଇ ଏକ ବସ୍ରେ ନେଇ ଯାଇଥିଲା । କଂଗ୍ରେସ ମୁଖ୍ୟାଳୟରୁ ଇଡି କାର୍ଯ୍ୟାଳୟ ପର୍ଯ୍ୟନ୍ତ ରାସ୍ତା ଅବରୋଧ କରିଛି ଦିଲ୍ଲୀ ପୋଲିସ । ଏଥି ସହିତ, ଇଡି କାର୍ଯ୍ୟାଳୟ ନିକଟରେ ଏକ ତିନି ସ୍ତରୀୟ ସୁରକ୍ଷା କର୍ଡନ୍ ପ୍ରସ୍ତୁତ କରାଯାଇଛି ।
ସୂଚନା ଅନୁସାରେ ରାହୁଲ ଗାନ୍ଧୀ ପ୍ରାୟ ଦିନ ୧୧.୧୦ ସମୟରେ ଏପିଜେ ଅବଦୁଲ କଲାମ ରୋଡରେ ଥିବା ଇଡି ମୁଖ୍ୟାଳୟରେ ପହଞ୍ଚିଥିଲେ ଏବଂ ପ୍ରାୟ ୨୦ ମିନିଟ୍ ପର୍ଯ୍ୟନ୍ତ ଆଇନଗତ ପ୍ରକ୍ରିୟା ସମାପ୍ତ କରିବା ପରେ ତାଙ୍କୁ ପଚରାଉଚରା କରାଯାଇଥିଲା । ତାଙ୍କୁ ଦିନ ପ୍ରାୟ ୨.୧୦ ସମୟରେ ଖାଦ୍ୟ ପାଇଁ ଇଡି ମୁଖ୍ୟାଳୟରୁ ବାହାରକୁ ଯିବାକୁ ଅନୁମତି ଦିଆଯାଇଛି । ମଧ୍ୟାହ୍ନ ଭୋଜନ ପରେ, ସେ ପୁଣି ଅପରାହ୍ନ ପ୍ରାୟ ୩.୩୦ ସମୟରେ ଇଡି ସମ୍ମୁଖରେ ହାଜର ହୋଇଥିବା କୁହାଯାଇଛି ।