ଦେଢ ଲକ୍ଷ ଉପରେ ଦେଶରେ ଆଜି କରୋନା ସଂକ୍ରମିତଙ୍କ ସଂଖ୍ୟା : ଦିନକରେ ୧ ଲକ୍ଷ ୫୯ ହଜାର ୬୩୨ ଆକ୍ରାନ୍ତ, ୩ ହଜାର ୬୨୩ରେ ପହଂଚିଲା ଓମିକ୍ରନ୍ ମାମଲା
ନୂଆଦିଲ୍ଲୀ : ଦେଶରେ ଦ୍ୱିତୀୟ ଲହର ଠାରୁ ତୃତୀୟ ଲହର ବେଶୀ ସଂକ୍ରାମକ ହେବାରେ ଲାଗିଛି । ଏବେ ଦ୍ରୁତ ବେଗରେ ବଢି ଚାଲିଛି କରୋନା ସଂକ୍ରମଣ ।୨୪ ଘଂଟା ଭିତରେ ସଂକ୍ରମଣ ୧ ଲକ୍ଷ ୫୯ହଜାର ୬୩୨ ରହିଥିବା ବେଳେ ୩୨୭ଜଣଙ୍କ ମୃତ୍ୟୁ ଘଟିଛି । ଅନ୍ୟପଟେ ୪୦, ୮୬୩ଜଣ ସୁସ୍ଥ ହୋଇଥିବା ସୂଚନା ରହିଛି । ଗତକାଲି ତୁଳନାରେ ଆଜି ଲମ୍ପ ମାରିଛି ସଂକ୍ରମଣ । ଏବେ ସଂକ୍ରିୟ ଆକ୍ରାନ୍ତଙ୍କ ସଂଖ୍ୟା ୬ ଲକ୍ଷ ରହିଛି । ବିଶେଷ କରି ଦିଲ୍ଲୀ, କେରଳ ଓ ତାମିଲନାଡ଼ୁରେ ଆକ୍ରାନ୍ତଙ୍କ ସଂଖ୍ୟା ଅଧିକ ରହିଥିବା ବେଳେ ମହାନଗର ଗୁଡ଼ିକରେ ସଂକ୍ରମଣର ବେଗ ତୀବ୍ର ରହିଛି ।
