ଗୁଜୁରାଟର ସିଏମ ବିଜୟ ରୁପାନୀ ଇସ୍ତଫା ଦେଲେ, କହିଲେ- ତାଙ୍କୁ ସୁଯୋଗ ଦେଇଥିବାରୁ ପ୍ରଧାନମନ୍ତ୍ରୀ ମୋଦୀଙ୍କୁ ଧନ୍ୟବାଦ
ଗୁଜୁରାଟ : ଗୁଜରାଟର ମୁଖ୍ୟମନ୍ତ୍ରୀ ବିଜୟ ରୂପାନୀ ଇସ୍ତଫା ଦେଇଛନ୍ତି । ସିଏମ ବିଜୟ ରୁପାନୀ ପୂର୍ବରୁ ୪ ଜଣ ମନ୍ତ୍ରୀଙ୍କ ସହ ରାଜ୍ୟପାଳ ଆଚାର୍ୟ୍ୟ ଦେବବ୍ରତଙ୍କୁ ଭେଟିଥିଲେ । ସିଏମ ବିଜୟ ରୁପାନୀ ଗୁଜୁରାଟର ରାଜ୍ୟପାଳ ଆଚାର୍ୟ୍ୟ ଦେବବ୍ରତଙ୍କୁ ଇସ୍ତଫା ପତ୍ର ଦାଖଲ କରିଛନ୍ତି । ସାମ୍ବାଦିକମାନଙ୍କ ସହ କଥାବାର୍ତ୍ତା କରି ରୁପାନୀ ତାଙ୍କ ଇସ୍ତଫା ଘୋଷଣା କରିଥିବା ବେଳେ କୌଣସି କାରଣ ଦର୍ଶାଇ ନାହାଁନ୍ତି । ସୂଚନାଯୋଗ୍ୟ ଯେ, ଆସନ୍ତା ବର୍ଷ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ରାଜ୍ୟ ଗୁଜୁରାଟରେ ବିଧାନସଭା ନିର୍ବାଚନ ଅନୁଷ୍ଠିତ ହେବ ।
ଗୁଜୁରାଟର ସିଏମ୍ ପଦରୁ ଇସ୍ତଫା ଦେବା ପରେ ବିଜୟ ରୁପାନୀ କହିଛନ୍ତି ଯେ, ସୁଯୋଗ ଦେଇଥିବାରୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ଧନ୍ୟବାଦ ଜଣାଇବା ପରେ ନେତା ଓ ଜନସାଧାରଣ ସମସ୍ତଙ୍କ ସମର୍ଥନ ପାଇଛନ୍ତି । ବର୍ତ୍ତମାନ ମୋତେ ଦିଆଯାଇଥିବା ଦାୟିତ୍ତ୍ୱ ମୁଁ ପୂରଣ କରିବି । ମୁଖ୍ୟମନ୍ତ୍ରୀ ପଦରୁ ଇସ୍ତଫା ଦେବା ପରେ ବିଜୟ ରୂପାନୀ କହିଛନ୍ତି ଯେ, ମୋର ବିଶ୍ୱାସ ଯେ ବର୍ତ୍ତମାନ ଗୁଜୁରାଟର ବିକାଶ ଯାତ୍ରା ପ୍ରଧାନମନ୍ତ୍ରୀଙ୍କ ନେତୃତ୍ୱରେ ଏକ ନୂତନ ଉତ୍ସାହ ଏବଂ ଶକ୍ତି ସହିତ ଆଗକୁ ବଢ଼ିବା ଉଚିତ୍ । ଏହାକୁ ଦୃଷ୍ଟିରେ ରଖି ମୁଁ ଗୁଜୁରାଟର ମୁଖ୍ୟମନ୍ତ୍ରୀଙ୍କ ଦାୟିତ୍ୱରୁ ଇସ୍ତଫା ଦେଇଛି । ମୁଁ ଦଳରୁ ଯାହାବି ଦାୟିତ୍ତ୍ୱ ଗ୍ରହଣ କରିବି, ମୁଁ ନିଶ୍ଚିତ ଭାବରେ ପ୍ରଧାନମନ୍ତ୍ରୀ ଏବଂ ରାଷ୍ଟ୍ରପତିଙ୍କ ନେତୃତ୍ୱରେ ନବୀକରଣ ଶକ୍ତି ସହିତ କାର୍ୟ୍ୟ ଜାରି ରଖିବି ।