- ଶହେ ପ୍ରମୁଖ ପରିବହନ ଭିତ୍ତିଭୂମି ପ୍ରକଳ୍ପ ଚିହ୍ନଟ
ନୂଆଦିଲ୍ଲୀ, (ପିଆଇବି) : କରୋନା ବୈଶ୍ୱିକ ମହାମାରୀ ପରାଭୂତ ହେବା ପରେ ଘରୋଇ ନିବେଶ ପୁଣି ବୃଦ୍ଧି ପାଉଛି । ଆଜି ସଂସଦରେ କେନ୍ଦ୍ର ଅର୍ଥ ଓ ବାଣିଜ୍ୟିକ ବ୍ୟାପାର ମନ୍ତ୍ରୀ ଶ୍ରୀମତୀ ନିର୍ମଳା ସୀତାରମଣ ୨୦୨୩-୨୪ କେନ୍ଦ୍ରୀୟ ବଜେଟ ଅଭିଭାଷଣରେ ଏହା ପ୍ରକାଶ କରିଛନ୍ତି ।
ଶେଷ ମାଇଲ ସଂଯୋଗୀକରଣ ସୁନିଶ୍ଚିତ କରିବା
● ପ୍ରମୁଖ ଭିତ୍ତିଭୂମି ତାଲିକାର ଏକ ବିଶେଷଜ୍ଞ କମିଟି ସମୀକ୍ଷା କରିବ ।
● ରେଳବାଇ ପାଇଁ ସର୍ବାଧିକ ୨.୪୦ଲକ୍ଷ କୋଟିର ବ୍ୟୟ ଅଟକଳ ।
● ୧୦୦ଟି ପ୍ରମୁଖ ପରିବହନ ଭିତ୍ତିଭୂମି ପ୍ରକଳ୍ପ ଚିହ୍ନଟ
● ୫୦ ଅତିରିକ୍ତ ବିମାନବନ୍ଦର, ହେଲିପୋର୍ଟ, ୱାଟର ଏରୋଡ୍ରୋମ ଓ ଆଗୁଆ ଅବତରଣ ଗ୍ରାଉଣ୍ଡର ସମୀକ୍ଷା ହେବ ।
● ପିପିପି ମୋଡରେ ତଟବର୍ତ୍ତୀ ଜାହାଜ ଚଳାଚଳର ବିକାଶ କରାଯିବ ।
ରେଳବାଇ-ଅର୍ଥମନ୍ତ୍ରୀ କହିଛନ୍ତି ଯେ ରେଳବାଇ ପାଇଁ ୨.୪୦ଲକ୍ଷ କୋଟି ଟଙ୍କାର ବ୍ୟୟବରାଦ ହୋଇଛି । ୨୦୧୩-୧୪ରେ ହୋଇଥିବା ବ୍ୟୟବରାଦର ଏହା ନଅଗୁଣ ଅଧିକ ବା ଏପର୍ଯ୍ୟନ୍ତ ରେଳବାଇ କ୍ଷେତ୍ରରେ ସର୍ବାଧିକ ବ୍ୟୟବରାଦ ।
ଲଜିଷ୍ଟିକ ଓ ଆଞ୍ଚଳିକ ସଂଯୋଗୀକରଣ
ବନ୍ଦର, କୋଇଲା, ଇସ୍ପାତ, ସାର ଓ ଖାଦ୍ୟଶସ୍ୟ କ୍ଷେତ୍ରରେ ଅମୂଳଚୂଳ ସଂଯୋଗୀକରଣ ଲକ୍ଷ୍ୟ ନେଇ ଶହେଟି ପ୍ରମୁଖ ପରିବହନ ଭିତ୍ତିଭୂମି ପ୍ରକଳ୍ପକୁ ଚିହ୍ନଟ କରାଯାଇଛି । ଘରୋଇ କ୍ଷେତ୍ରରୁ ୧୫ହଜାର କୋଟି ସମେତ ମୋଟ ୭୫ହଜାର କୋଟି ଟଙ୍କା ଏ କ୍ଷେତ୍ରରେ ଅଗ୍ରାଧିକାର ଭିତ୍ତିରେ ନିବେଶ କରାଯିବ । ଆଂଚଳିକ କ୍ଷେତ୍ରକୁ ବିମାନ ସଂଯୋଗ ସୁବିଧା ପାଇଁ ୫୦ଟି ଅତିରିକ୍ତ ବିମାନ ବନ୍ଦର, ହେଲିପୋର୍ଟ, ୱାଟର ଏରୋଡ୍ରୋମ ଓ ଆଗୁଆ ଅବତରଣ କେନ୍ଦ୍ରର ପୁନରୁଦ୍ଧାର କରାଯିବ ବୋଲି ମଧ୍ୟ ଅର୍ଥମନ୍ତ୍ରୀ କହିଛନ୍ତି ।
-ଭିତ୍ତିଭୂମିର ସୁଲଳିତ ପ୍ରମୁଖ ତାଲିକା-
ଶ୍ରୀମତୀ ସୀତାରମଣ ଆହୁରି କହିଛନ୍ତି ଯେ ଏକ ବିଶେଷଜ୍ଞ କମିଟି ମଧ୍ୟ ଭିତ୍ତିଭୂମିର ସୁଲଳିତ ପ୍ରମୁଖ ତାଲିକାର ସମୀକ୍ଷା କରିବ । କିମିଟି ଅମୃତ କାଳ ନିମନ୍ତେ ଏହାର ପୃଥୀକରଣ ଓ ଆର୍ଥରô୍କ ବ୍ୟବସ୍ଥା ନେଇ ମଧ୍ୟ ସୁପାରିଶ କରିବ ।