ଦେଶରେ କରୋନା ସଂକ୍ରମଣ ମାମଲା ପୁଣି ବଢ଼ୁଛି : ଗତ ୨୪ ଘଣ୍ଟା ମଧ୍ୟରେ ୨୫୯୩ ନୂଆ ସଂକ୍ରମିତ ଚିହ୍ନଟ, ସକ୍ରିୟ ରୋଗୀଙ୍କ ସଂଖ୍ୟା ୧୫ ହଜାର ଅତିକ୍ରମ କଲା

ନୂଆଦିଲ୍ଲୀ : ଭାରତରେ ଆଜି ପୂର୍ବ ଦିନ ତୁଳନାରେ କରୋନା ସଂକ୍ରମିତଙ୍କ ସଂଖ୍ୟା ପୁଣି ବୃଦ୍ଧି ପାଇଛି । କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରଣାଳୟର ତଥ୍ୟ ଅନୁଯାୟୀ ରବିବାର ଦିନ ଦେଶରେ ୨୫୯୩ କରୋନା ସଂକ୍ରମିତ ପଞ୍ଜିକୃତ ହୋଇଛନ୍ତି । ଦେଶରେ ସକ୍ରିୟ ମାମଲା ସଂଖ୍ୟା ୧୫,୮୭୩, ଯାହା ସମୁଦାୟ କରୋନା ମାମଲାର ୦.୦୪ ପ୍ରତିଶତ ଅଟେ । ଶନିବାର ଦିନ ସମୁଦାୟ ୨୫୨୭ ଜଣ ନୂତନ କରୋନା ଭୂତାଣୁ ସଂକ୍ରମିତ ହୋଇଥିବା ଏବଂ ୪୪ ଜଣଙ୍କର ମୃତ୍ୟୁ ହୋଇଥିବା ସୂଚନା ମିଳିଛି ।