ବଲାଙ୍ଗିର, (ଦେବାଶିଷ ମିଶ୍ର) : ବିଶ୍ୱ କବିତା ଦିବସ ଅବସରରେ ସ୍ଥାନୀୟ ଅମଲାଭବନ ଠାରେ ତହଁକ୍ କୁଟୁମ୍ ତରଫରୁ ବଉଲି କବିତା ଆସର ଅନୁଷ୍ଠିତ ହୋଇଯାଇଛି । ଏହି ଅବସରରେ ମୁଖ୍ୟ ଅତିଥି ଭାବରେ ସମୟର ମୁଖ୍ୟ ପ୍ରବନ୍ଧକ ସତ୍ୟସୁନ୍ଦର ଭଞ୍ଜ ଯୋଗ ଦେଇଥିବା ବେଳେ କବୟିତ୍ରୀ ଜ୍ୟୋତିର୍ମୟୀ ତ୍ରିପାଠୀ ସମ୍ମାନିତ ଅତିଥି ଭାବେ ଯୋଗ ଦେଇଥିଲେ । ବଲାଙ୍ଗିରର ପ୍ରମେୟ ପ୍ରତିନିଧି ମୁକେଶ ବହିଦାର, ଜି ଓଡିଶା ପ୍ରତିନିଧି ପ୍ରଦୀପ୍ତ ମିଶ୍ର, କନକ ନ୍ୟୁଜ ପ୍ରତିନିଧି ଜୋସ୍ନାରାଣୀ ଦାଶ ଏବଂ କୋଶଲ ପ୍ରବାହ ପୋର୍ଟାଲକୁ ସମ୍ମାନିତ କରାଯାଇଥିଲା । ସାହିତ୍ୟ ଏବଂ ସାମ୍ବାଦିକଙ୍କ ସମ୍ପର୍କ ଅତି ନିବିଡ ବୋଲି ଅତିଥି ମାନେ ନିଜ ବକ୍ତବ୍ୟରେ କହିଥିଲେ । ପରେ ପରେ କବିମାନେ ସ୍ଵରଚିତ କବିତା ପାଠ କରି ଶ୍ରୋତାମାନଙ୍କ ମନ ଜିଣିଥିଲେ । କବିତା ଆସରକୁ ସବିତା ମହରା ସଂଯୋଜନା କରିଥିଲେ । ଅର୍ଜୁନ ସାହୁ ସ୍ଵାଗତ ଭାଷଣ ଦେଇଥିବା ବେଳେ ତହଁକ୍ ସମ୍ପାଦକ ରାଜେଶ ଦଣ୍ଡସେନା ଧନ୍ୟବାଦ ଅର୍ପଣ କରିଥିଲେ ।