ପାଟଣାଗଡ଼, (କେପିଏନ୍ଏସ୍) : ପାଟଣାଗଡ଼ ନିର୍ବାଚନ ମଣ୍ଡଳୀର ଖପ୍ରାଖୋଲ, ବେଲପଡା, ପାଟଣାଗଡ଼ ବ୍ଳକର ୩ଟି ବ୍ଲକରେ ଆଜି ଅଧ୍ୟକ୍ଷ ନିର୍ବାଚନ ଶାନ୍ତି ଶୃଙ୍ଖଳା ସହ ସମାପନ ହୋଇଯାଇଛି । ଖପ୍ରାଖୋଲ ନୂତନ ଅଧ୍ୟକ୍ଷା ଭାବରେ ଶ୍ରୀମତୀ ନିରୁପମା ପଟେଲ ନିର୍ବାଚିତ ହୋଇଥିବା ବେଳେ ବେଲପଡା ପଞ୍ଚାୟତ ସମିତି ଅଧ୍ୟକ୍ଷା ଭାବେ କୁମାରୀ ଟିନା କୁମ୍ଭାର ନିର୍ବାଚିତ ହୋଇଛନ୍ତି । ସେହିପରି ପାଟଣାଗଡ଼ ପଞ୍ଚାୟତ ସମିତିର ଅଧ୍ୟକ୍ଷା ନିଳକାନ୍ତ ନାଗ ନିର୍ବାଚିତ ହୋଇଛନ୍ତି । ଏହି ତିନି ବ୍ଲକର ଅଧ୍ୟକ୍ଷ, ଅଧକ୍ଷା ନିର୍ଦ୍ଵନ୍ଦରେ ନିର୍ବାଚିତ ହୋଇଥିବା ଜଣାପଡିଛି । ଦୀର୍ଘ ଦିନ ଧରି ବ୍ଲକ ଅଧ୍ୟକ୍ଷା ଅଧ୍ୟକ୍ଷ ପଦ ବିଜେପି ଅକ୍ତିଆର କରିଥିବା ବେଳେ ଏଥର ତିନି ବ୍ଳକର ଅଧ୍ୟକ୍ଷ ଅଧ୍ୟକ୍ଷା ବିଜେଡି ହାତକୁ ଚାଲିଆସିଛି ବୋଲି ଚର୍ଚ୍ଚା ହେଉଛି ।