ମାଲକାନଗିରି : ଆଜି ଆନ୍ଧ୍ରର ଶ୍ରୀକାକୁଲମ ଜିଲ୍ଲା ପାଇଡିଭୀମାବରମ ଠାରେ ଓଡିଶା ଶ୍ରମିକଙ୍କ ବସ ଦୁର୍ଘଟଣାଗ୍ରସ୍ତ ହୋଇଥିବା ଜଣାପଡିଛି । ଉକ୍ତ ବସ୍ଟି ଟ୍ରକକୁ ଧକ୍କା ଦେବା ଫଳରେ ଦୁର୍ଘଟଣା ଘଟିଥିବା କୁହାଯାଉଛି । ଦୁର୍ଘଟଣାରେ ପ୍ରାୟ ୩୮ ଜଣ ଓଡିଆ ଶ୍ରମିକ ଆହତ ହୋଇଥିବା ଜଣାପଡିଛି । ଖବର ପାଇ ପୁଲିସ ଓ ଉଦ୍ଧାରକାରୀ ଦଳ ଘଟଣାସ୍ଥଳରେ ପହଞ୍ଚି ଆହତଙ୍କୁ ଉଦ୍ଧାର କରି ଶ୍ରୀକାକୁଲମ ରିମ୍ସ ଡାକ୍ତରଖାନା ସ୍ଥାନାନ୍ତରିତ କରାଯାଇଛି । ସୂଚନା ଯୋଗ୍ୟ ଯେ, ଓଡିଶାରୁ ଗଞ୍ଜାମ ଜିଲ୍ଲା ବ୍ରହ୍ମପୁର ଶ୍ରମିକଙ୍କୁ କେରଳ ଓ ତାମିଲନାଡୁ ନେଇ ବସଟି ଯାଉଥିଲା । ଆହତଙ୍କ ଅବସ୍ଥା ଗୁରୁତର ରହିଥିବା କୁହାଯାଉଛି । ଆହତଙ୍କ ମଧ୍ୟରେ ଥିବା ୩୦ ମହିଳା ପଞ୍ଚାୟତ ନିର୍ବାଚନ ସରିବା ପରେ ଘରୋଇ ଠିକା କମ୍ପାନୀକୁ ଦାଦନ ଖଟିବାକୁ ଯାଉଥିଲେ ବୋଲି ସୂଚନା ମିଳିଛି ।