‘ଆତ୍ମନିର୍ଭରଶୀଳ ଭାରତ ୨୦୨୨-୨୩ ର ବଜେଟ୍’ ଉପସ୍ଥାପନ : ୧୬୩ ଲକ୍ଷ ଚାଷୀଙ୍କ ଠାରୁ କ୍ରୟ କରାଯିବ ୧୨୦୮ ମେଟ୍ରିକ୍ ଟନ୍ ଗହମ ଏବଂ ଧାନ
ନୂଆଦିଲ୍ଲୀ : ଆଜି ‘ଆତ୍ମନିର୍ଭରଶୀଳ ଭାରତ ୨୦୨୨-୨୩ ର ବଜେଟ୍’ ଉପସ୍ଥାପନ କରିଛନ୍ତି କେନ୍ଦ୍ର ଅର୍ଥମନ୍ତ୍ରୀ ନିର୍ମଳା ସୀତାରମଣ । ଅର୍ଥମନ୍ତ୍ରୀ ସୀତାରମଣ କହିଛନ୍ତି ଯେ, ରବି ୨୦୨୧-୨୨ ରେ ୧୬୩ ଲକ୍ଷ ଚାଷୀଙ୍କ ଠାରୁ ୧୨୦୮ ମେଟ୍ରିକ୍ ଟନ୍ ଗହମ ଏବଂ ଧାନ କ୍ରୟ କରାଯିବ। ଏହା ସହିତ କୃଷକମାନଙ୍କୁ ଡିଜିଟାଲ ସେବା ଦିଆଯିବ ଏବଂ ଭାରତରେ ଦାରିଦ୍ର୍ୟ ଦୂରୀକରଣ ଲକ୍ଷ୍ୟରେ କାର୍ଯ୍ୟ ଜୋରଦାର କରାଯିବ। ଡ୍ରୋନ୍ ମାଧ୍ୟମରେ କୃଷି କ୍ଷେତ୍ରକୁ ପ୍ରୋତ୍ସାହିତ କରିବ । ୧୦୦ଟି ପିଏମ ଗତିଶକ୍ତି କାର୍ଗୋ ଟର୍ମିନଟ ତିଆରି କରାଯିବ । ଆହୁରି ମଧ୍ୟ କହିଛନ୍ତି ଯେ, ସରକାର ଏମଏସପି ମାଧ୍ୟମରେ କୃଷକଙ୍କ ଆକାଉଣ୍ଟକୁ ୨.୩୭ କୋଟି ଟଙ୍କା ପଠାଇଛନ୍ତି ଏବଂ ଜୈବ ଚାଷ କରୁଥିବା ଚାଷୀଙ୍କୁ ପ୍ରୋତ୍ସାହନ ଦିଆଯିବ। ସରକାରଙ୍କ ଦ୍ୱାରା ରାସାୟନିକ ଏବଂ କୀଟନାଶକ ମୁକ୍ତ ଚାଷର ପ୍ରସାର ବୃଦ୍ଧି ଉପରେ ଗୁରୁତ୍ୱ ଦିଆଯାଉଛି। ଚାଷୀଙ୍କୁ ଡିଜିଟାଲ ଏବଂ ହାଇ-ଟେକ୍ ସେବା ଯୋଗାଇବା ପାଇଁ ପିପିପି ମଡେଲରେ ଏହି ଯୋଜନା ଆରମ୍ଭ ହେବ। ଶୂନ ବଜେଟ୍ ଚାଷ ଏବଂ ପ୍ରାକୃତିକ ଚାଷ, ଆଧୁନିକ କୃଷି, ମୂଲ୍ୟ ଯୋଗ ଏବଂ ପରିଚାଳନା ଉପରେ ଗୁରୁତ୍ୱ ଦିଆଯିବ। କୃଷକମାନେ ପ୍ରାକୃତିକ ଚାଷ ଗ୍ରହଣ କରିବା ପାଇଁ ରାଜ୍ୟ ସରକାର ଏବଂ ଏମଏସଏମଇର ଅଂଶଗ୍ରହଣ ପାଇଁ ଏକ ବିସ୍ତୃତ ପ୍ୟାକେଜ ପ୍ରଚଳନ କରାଯିବ।