- ମୁଖ୍ୟ ଆସାମୀ ଫେରାର, ଜଣେ ଗିରଫ
କଂଟାବାଂଜି, (ମନୀଶ କୁମାର ହଂସ) : କଂଟାବାଂଜି ଥାନା ତଥା ବନାଂଚଳ ଅଧିନସ୍ଥ ସହରର ଉପକଣ୍ଠସ୍ଥ ଡୁମେରଚୁଆଁ ଗାଁରେ ବେନିୟମ ଭାବେ ଶାଗୁଆନ କାଠର ଫର୍ନିଚର ୟୁନିଟର କାମ କରୁଥିବା ଅଭିଯୋଗରେ ରବିବାର ଦିନ ସ୍ଥାନୀୟ ଜଂଗଲ ବିଭାଗ ଅତର୍କିତ ଭାବେ ଚଢଉ କରିଥିଲା । ଡୁମେରଚୁଆଁର ନରେଶ ହଂସଙ୍କ ଘରେ ଚଢଉ ବେଳେ ୩ ସି.ଏଫ.୍ଟି ଶାଗୁଆନ ପଟ୍ା, ଅର୍ଦ୍ଦନିର୍ମିତ ପଲଙ୍କ ୧ଟି, ୪ଟି ଡାଇନିଙ୍ଗ ସେଟ, ୨ଟି ଟି.ପଏ ସହ ଯନ୍ତ୍ରାଂଶ ବନ ବିଭାଗ ଜବତ କରିଛି । ଅତର୍କିତ ଚଢଉ ବେଳେ ମୁଖ୍ୟ ଆସାମୀ ଫେରାର ମାରିଥିବା ବେଳେ ୟୁନିଟରେ କାମ କରୁଥିବା ଜଣେ ଘୁଲି ପୁଂଜି ନାମକ ଶ୍ରମିକ ଗିରଫ ପରେ କଂଟାବାଂଜି ବନାଂଚଳ ଓ.ଆର. କେସ ନଂ. ୪୯/୨୦୨୧-୨୨ ରୁଜୁ କରି କୋର୍ଟ ଚାଲଣ କରିଛି । ଏହି ଚଢଉ ବେଳେ କଂଟାବାଂଜି ରେଂଜର ଶ୍ରଦ୍ଧାଦେବ ବଡମାଲି, ଟାଉନ ଫରେଷ୍ଟର ବି.ବି. ଧରୁଆ, ଗାର୍ଡ ଚନ୍ଦ୍ରକାନ୍ତି ସୁନା, ଗୀତାଂଜଳି ନିଆଲ ସହ ସମସ୍ତ ପାରା ପ୍ରୋଟେକ୍ସନ ଫୋର୍ସ ସାମିଲ ଥିଲେ ।