ଲୋଇସିଂହା, (କେପିଏନ୍ଏସ୍) : ସାରା ଦେଶରେ ପେଟ୍ରୋଲ, ଡିଜେଲ, ରନ୍ଧନ ଗ୍ୟାସ ସମେତ ଅତ୍ୟାବଶ୍ୟକୀୟ ସାମଗ୍ରୀର ଦରବୃଦ୍ଧି ପ୍ରତିବାଦରେ ଲୋଇସିଂହା ବ୍ଲକ କଂଗ୍ରେସ ପକ୍ଷରୁ ସ୍ଥାନୀୟ ପେଟ୍ରୋଲ ପମ୍ପ ସମ୍ମୁଖରେ ଏକ ଦସ୍ତଖତ ଅଭିଯାନ ଆୟୋଜିତ ହୋଇଯାଇଛି । ଦରବୃଦ୍ଧିକୁ ପ୍ରତିବାଦ କରୁଥିବା ସାଧାରଣ ଲୋକଙ୍କ ଠାରୁ କଂଗ୍ରେସ କର୍ମୀମାନେ ଦସ୍ତଖତ ସଂଗ୍ରହ କରିଥିଲେ । ଏହି କାର୍ଯ୍ୟକ୍ରମରେ ବ୍ଲକ କଂଗ୍ରେସ ସଭାପତି ଅରବିନ୍ଦ ସାହୁ, ସରୋଜ ବିଶ୍ୱାଳ, ଶିବକୁମାର ଅଗ୍ରୱାଲ, ଭାଗବତିଆ ଭୋଇ, ଗୋପାଳ ସା, ସରୋଜ ଠାକୁର, ପଞ୍ଚୁ ସା ପ୍ରମୁଖ ଉପସ୍ଥିତ ଥିଲେ ।