ଡେଲାଙ୍ଗ, (ଦିଲ୍ଲୀପ କୁମାର ଧାଉଡିଆ) : ପୁରୀ-ଭୁବନେଶ୍ୱର ୩୧୬ନଂ ଜାତୀୟ ରାଜପଥର ସାତଶଙ୍ଖ ବଜାର ଛକରେ ଏକ କାର ମଟର ସାଇକେଲକୁ ଧକ୍କା ଦେବାରୁ ମଟର ସାଇକେଲର ଦୁଇଜଣ ଆରୋହୀ ଗୁରୁତର ଆହତ ହୋଇଥିବା ଜଣାପଡିଛି । ସେମାନଙ୍କୁ ସ୍ଥାନୀୟ ଲୋକମାନଙ୍କ ସହାୟତାରେ ୧୦୮ ଆମ୍ବୁଲାନ୍ସ ଯୋଗେ ସାକ୍ଷୀଗୋପାଳ ସ୍ୱାସ୍ଥ୍ୟ କେନ୍ଦ୍ରରେ ଚିକିତ୍ସା ପାଇଁ ନିଆଯାଇଥିବା ବେଳେ ଅବସ୍ଥା ଗୁରୁତର ଥିବାରୁ ସେମାନଙ୍କୁ ଭୁବନେଶ୍ୱର ସ୍ଥାନାନ୍ତରିତ କରାଯାଇଛି ବୋଲି ସୂଜନା ମିଳିଛି । ସୁଚନାଯୋଗ୍ୟ ଯେ, ଡେଲାଙ୍ଗ ଥାନା ଅନ୍ତର୍ଗତ ମଉନମଠ ବାରମାଣ ସାହୀର ମାନସ ବିଶ୍ୱାଳ(୩୭), କାଳୁ ଚରଣ ବାରିକ(୩୮) ଏକ ମଟର ସାଇକେଲରେ ଦୁଇଜଣ ସାତଶଙ୍ଖ ଛକରେ ଡେଲାଙ୍ଗ ଯିବା ପାଇଁ ରାସ୍ତା ପାର ହେଉଥିଲେ । ସେ ସମୟରେ ପୁରୀରୁ ଭୁବନେଶ୍ୱର ଯାଉଥିବା ଓଡି୩୩ୱାଇ୭୫୭୩ କାରଟି ସେମାନଙ୍କୁ ଧକ୍କା ଦେଇଥିଲା । ଘଟଣା ସ୍ଥଳରେ ସାତଶଙ୍ଖ ଫାଣ୍ଡି ଅଧିକାରୀ ପିକେ ଭୁୟାଁ ପହଞ୍ଚି ଦୁର୍ଘଟଣା ଗସ୍ତ ଗାଡିଦୁଇଟିକୁ ଜବତ କରିଥିବା ଜଣାପଡିଛି ।