ସଇଁନ୍ତଲା, (ଅଜିତ କୁମାର ସାହୁ) : କରୋନା ମହାମାରୀ ସମୟରେ ରାଜ୍ୟ ସରକାରଙ୍କ ପକ୍ଷରୁ ରାଜ୍ୟରେ ଲାଗୁ ହୋଇଛି ଲକ୍ଡାଉନ୍, ସଟ୍ଡ଼ାଉନ୍, ନାଇଟ୍ କର୍ଫ୍ୟୁ କଟକଣା । ଏହାର ଫାଇଦା ଉଠାଉ ଥିବା ଚୋର ପୁଲିସ ହାବୁଡ଼ରେ ପଡ଼ିଛି ।ତେବେ ବଲାଙ୍ଗିର ଜିଲ୍ଲା ସଇଁନ୍ତଲା ଥାନା ଅଞ୍ଚଳରେ ବେଆଇନ ଭାବରେ ବିଦ୍ୟୁତ ଆଲୁମିନିୟମ ତାର ଚୋରା ଚାଲାଣ ହେଉଥିବା ବେଳେ ପୁଲିସ ଗତ କିଛି ଦିନ ତଳେ ଚଢ଼ାଉ କରିଥିଲା ଓ ସଫଳତା ପାଇଥିଲା । ଏଥିରେ ଏକ ତାର ବୋଝେଇ ପିକ୍ଅପ୍ ଭ୍ୟାନ ଗାଡିକୁ ଜବତ କରିବା ସହ ଜଣକୁ ଗିରଫ କରିଥିବା ଜଣାପଡିଛି । ଅଭିଯୁକ୍ତ ଜଣକ ହେଉଛି ବଲାଙ୍ଗିର ଜିଲ୍ଲା ତୁଷୁରା ଥାନା ଘୁନା ଗ୍ରାମର ନାଗେଶ୍ୱର ମାଝୀ(୨୧) । ଘଟଣାରୁ ପ୍ରକାଶ ଯେ, ଗତ ୧୮ତାରିଖ ଦିନ ବିଳମ୍ବିତ ରାତିରେ ସଇଁନ୍ତଲା ପୋଲିସ ବରଗାଁ ଛକ ଠାରେ ପାଟ୍ରୋଲିଙ୍ଗ କରୁଥିବା ସମୟରେ ଟିଟିଲାଗଡ଼ ପଟ ଦେଇ ବଲାଙ୍ଗିର ପଟକୁ ଦ୍ରୁତ ଗତିରେ ଯାଉଥିବା ଏକ ପିକ୍ଅପ୍କୁ କାବୁ କରିଥିଲା । ଗାଡ଼ିରେ ଆଲୁମିନିୟମ ତାର ଦେଖି ପୋଲିସ ପଚରା ଉଚରା କରିଥିଲେ । ହେଲେ ଡ୍ରାଇଭର ଜଣକ କୌଣସି ସନ୍ତୋଷଜନକ ଉତ୍ତର ଦେଇ ପରିନଥିବାରୁ ପୋଲିସ ତାର ବୋଝେଇ ଗାଡି ଓ ଡ୍ରାଇଭରକୁ ଥାନାରେ ଅଟକ ରଖି ତଦନ୍ତ ଆରଂଭ କରିଥିଲା । ତେବେ ଡ୍ରାଇଭର ଜଣକୁ ଗିରଫ କରି କୋର୍ଟଚାଲାଣ କରାଯାଇଥିବା ମିଳିଥିବା ସୂଚନାରେ କୁହାଯାଇଛି ।