ସଇଁନ୍ତଲା, (ଅଜିତ କୁମାର ସାହୁ) : ବଲାଙ୍ଗିର ଜିଲ୍ଲା ସଇଁନ୍ତଲା ବ୍ଳକ ଘୁନସର ବଣାବିଜାର ଖେଳ ପଡିଆ ଠାରେ ୨୪ ତମ ଅରବିନ୍ଦ ଯୁବକ ସଂଘ ଆନୁକୂଲ୍ୟରେ ଫୁଟବଲ ଟୁର୍ଣ୍ଣାମେଣ୍ଟ ଅନୁଷ୍ଠିତ ହୋଇଯାଇଛି । ତେବେ ଉଦଘାଟନ ଉତ୍ସବରେ ମୁଖ୍ୟ ଅତିଥି ଭାବରେ ସ୍ଥାନୀୟ ସରପଞ୍ଚଙ୍କ ପ୍ରତିନିଧି ସନ୍ତୋଷ କୁମାର ବେହେରା ଯୋଗଦେଇ ଉଦଘାଟନ କରିଥିବା ବେଳେ ସମ୍ମାନିତ ଅତିଥି ଭାବେ ବିକାଶ ରଣା, ବିମଲ ବେହେରା ଏବଂ ସିନ୍ଧୁ ରଣା ଯୋଗ ଦେଇଥିଲେ । ଏହି ଫୁଟବଲ ଟୁର୍ଣ୍ଣାମେଣ୍ଟରେ ନୂଆପଡା ଓ ମହିପୁର ଦଳ ମଧ୍ୟରେ ଖେଳ ଅନୁଷ୍ଠିତ ହୋଇଥିବା ବେଳେ ୦-୧ ରେ ମହିପୁର ଦଳ ବିଜୟ ହୋଇଥିଲା । ରେଫରି ଭାବେ ବାଞ୍ଛାନିଧି ବୁଡେକ, ଲାଇନ୍ସ ମ୍ୟାନ ଭାବରେ ରମାକାନ୍ତ ବାଗ ଓ ପ୍ରମୋଦ କୁମ୍ଭାର ଖେଳ ପରିଚାଳନା କରିଥିବା ବେଳେ କମିଟିର ସଦସ୍ୟମାନେ ବବୁଲୁ ରଣା, ସନ୍ତୋଷ ମାଝୀ, ପିଙ୍କୁ ଗହୀର, ଟୁଲୁ ଗହୀର, ତୁଳସୀ ଗହୀର ଓ ପ୍ରଦୀପ ଭୋଇ ସହଯୋଗ କରିଥିଲେ ।
