ଟିଟିଲାଗଡ, (କେପିଏନ୍ଏସ୍) : ଆସନ୍ତା ୧୫ ତାରିଖରେ ସ୍ଥାନୀୟ ରାଣୀସତୀ ଶକ୍ତିଧାମ ମନ୍ଦିରରେ ହରିୟାଲି ତିଜ ଉତ୍ସବ ପାଳନ କରାଯିବ ବୋଲି ଟ୍ରଷ୍ଟି ଡାକ୍ତର ଗୌରିଶଙ୍କର କେଜ୍ରିୱାଲ ଓ ଟ୍ରଷ୍ଟି କ୍ରିଷ୍ଣା କେଜରିୱାଲ ଜଣାଇଛନ୍ତି । ଏନେଇ ସମସ୍ତ ପ୍ରକାର ପ୍ରସ୍ତୁତି ଶେଷ ପର୍ଯ୍ୟାୟରେ ପହଁଚିଛି । ୧୫ ତାରିଖ ସନ୍ଧ୍ୟା ସାଢ଼େ ୪ଟାରେ ଭଜନ କାର୍ଯ୍ୟକ୍ରମ ଅନୁଷ୍ଠିତ ହେବ । ଏଥିରେ ସମ୍ବଲପୁରର ସୁପ୍ରସିଦ୍ଧ ଭଜନ ଗାୟିକା ପୂଜା ଶର୍ମା ପୋଦ୍ଦାର ଓ ତାଙ୍କ ଦଳ ଭଜନ ପରିବେଷଣ କରିବେ । ଏହି ଅବସରରେ ରାଜସ୍ଥାନୀ ପରିଧାନରେ ଆସିଥିବା ମହିଳା ମାନଙ୍କରେ ଶ୍ରେଷ୍ଠ ଚୟନିତ ମହିଳାଙ୍କୁ ସମ୍ବର୍ଦ୍ଧିତ କରାଯିବ । ଏଥିସହ ନୂତନ ଭାବେ ବିବାହିତ ବୋହୂ ଓ ଝିଅଙ୍କୁ ମଧ୍ୟ ସମ୍ମାନିତ କରାଯିବ । ଏଣୁ ଏହି କାର୍ଯ୍ୟକ୍ରମରେ ବହୁ ସଂଖ୍ୟାରେ ଯୋଗ ଦେବା ପାଇଁ ମହିଳାମାନଙ୍କୁ ମନ୍ଦିର ପରିଚାଳନା କମିଟି ଅନୁରୋଧ ଜଣାଇଛି ।