ବଲାଙ୍ଗିର, (କେପିଏନ୍ଏସ୍) : ବଲାଙ୍ଗିର ସହରର ମହାରାଣୀ ସାଗରର ସୋନ୍ଦର୍ଯ୍ୟକରଣ କାମ ଆରମ୍ଭ ହେବ । ପୌରାଧକ୍ଷ୍ୟ ଲିକା ସାହୁ ଓ ନିର୍ବାହୀ ଅଧିକାରୀ ସନ୍ତୋଷ କୁମାର ବେହେରା ପରିଦର୍ଶନ କରି ଶୀଘ୍ର କାମ କରିବା ପାଇଁ ନିର୍ଦ୍ଦେଶ ଦେଇଛନ୍ତି । ମହାରାଣୀ ସାଗରର ମାଟିର ପୁନଃଉଦ୍ଧାର, ବନ୍ଧ ଦୃଢ଼ିକରଣ, ଡ୍ରେନରେ ପଥର ପେଚିଂ କାମ, ଜନସାଧାରଣଙ୍କ ପାଇଁ ଚାଲିବା ରାସ୍ତା, ଚାରିପଟେ ଗଛ ଲଗାଯିବ, ପାର୍କ, ଗୋଷ୍ଠୀ ଶୌଚାଳୟର ବ୍ୟବସ୍ଥା, ଚାରିପଟେ ଆଲୋକିକରଣ ସହିତ ସୋନ୍ଦର୍ଯ୍ୟକରଣର କାମ ଶୀଘ୍ର କରାଯିବ । ଯେଉଁ ବ୍ୟକ୍କ୍ତିମା;ନେ ନିଜର ରାଜନୀତି ଫାଇଦା ନେବାକୁ ବଲାଙ୍ଗିର ପୌର ପରିଷଦକୁ ବ୍ୟକ୍ତି ବଦନାମ କରିବା ସହିତ ଜନସାଧାରଣଙ୍କୁ ଭ୍ରମିତ ପ୍ରଚାର କରୁଛନ୍ତି କୋଟି କୋଟି ଟଙ୍କା ଆସିଛି ଓ ଖର୍ଚ୍ଚ ହୋଇଛି ବୋଲି ଯେଉଁମାନେ କହୁଛନ୍ତି, ସେମାନେ ଜାଣିବା ଉଚିତ ଯେ, ପ୍ରକୃତରେ ମହାରାଣୀ ସାଗରରେ ୪୪ଲକ୍ଷ ଟଙ୍କା ଖର୍ଚ୍ଚ କରାଯାଇଛି । କୌଣସି ପ୍ରକାର ଦୁର୍ନୀତି କି ଅର୍ଥ ହେରଫେର ହୋଇନାହିଁ । ସମସ୍ତ ଖର୍ଚ୍ଚର ତଥ୍ୟ ପୌର ପରିଷଦ କାର୍ଯ୍ୟାଳୟରେ ରହିଛି । ଯେ କେହି ବି ଯଦି ଜାଣିବାକୁ ଚାହୁଛନ୍ତି ତାହାହେଲେ ସମସ୍ତ କାଗଜ ପତ୍ର ଦେଖି ପାରିବେ ବୋଲି ପୌରଧକ୍ଷା ଲିକା ସାହୁ ସ୍ପଷ୍ଟ କରି କହିଛନ୍ତି । ଏଥି ସହିତ ଅତି ଶୀଘ୍ର ବଲାଙ୍ଗିର ସହରର ଅନ୍ୟ ବନ୍ଧମାନଙ୍କର ଉନ୍ନତି କରଣ ଓ ସୋନ୍ଦର୍ଯ୍ୟକରଣ କାମ ଆରମ୍ଭ କରାଯିବ ବୋଲି ପୌରାଧକ୍ଷା ଶ୍ରୀମତୀ ସାହୁ କହିଛନ୍ତି । ଏହି ଅବସରରେ ପୌର ପରିଷଦର ଇଞ୍ଜିନିୟର ରୋଜା ଲିସା ରାଉତ, ଇଞ୍ଜିନିୟର କୃଷ୍ଣ ଚନ୍ଦ୍ର ବେହେରା, କାଉନସିଲର ଗଙ୍ଗା ଚାନ୍ଦ, ଶ୍ୱେତ ତ୍ରିପାଠୀ, ତପି ସୁନା, ଦିଲୀପ ସାଏ, ଆଶିଷ କୁମାର ସ୍ୱାଇଁ ଓ ବରୁଣ ସେଠ୍ ପ୍ରମୁଖ ଉପସ୍ଥିତ ଥିଲେ ।