ରାଉରକେଲା, (ସସ୍ମିତା ପ୍ରଧାନ) : ପିଏମ୍ ଶ୍ରୀ ସରକାରୀ ଉଚ୍ଚ ବିଦ୍ୟାଳୟ ଆର୍ ଇ ସି କ୍ୟାମ୍ପସ ତା ୨/୦୪/୨୫ ରିଖ, ବୁଧବାର ଦିନ ସକାଳ ୯.୦୦ ସମୟରେ ଆର୍ ଇ ସି କ୍ୟାମ୍ପସ ପ୍ରାଙ୍ଗଣରେ ନୂତନ ଶିକ୍ଷା ବର୍ଷ ୨୦୨୫-୨୬ ର ଆରମ୍ଭ, ପ୍ରବେଶ ଉତ୍ସବ ତଥା ଖଡ଼ି ଛୁଆଁ କାର୍ଯ୍ୟକ୍ରମ ପ୍ରଧାନ ଶିକ୍ଷୟିତ୍ରୀ ସୁଦିପ୍ତା ବେହେରାଙ୍କ ସଭାପତିତ୍ୱରେ ତଥା ଵରିଷ୍ଠ ଶିକ୍ଷୟିତ୍ରୀ ନିରୁପମା ଦାଶଙ୍କ ପରିଚାଳନାରେ ସମସ୍ତ ଶିକ୍ଷକ ଶିକ୍ଷୟିତ୍ରୀ ତଥା ଅଭିଭାବକ ମାନଙ୍କର ମିଳିତ ସମାବେଶରେ ଏକ ବୈଠକ ଅନୁଷ୍ଠିତ ହୋଇଯାଇଛି । ଅଭିଭାବକ ମାନଙ୍କର ଉପସ୍ଥିତ ଏହି କାର୍ଯ୍ୟକ୍ରମକୁ ଅଧିକ ଆକର୍ଷଣୀୟ କରିପାରିଥିଲା । ପିଲାମାନଙ୍କୁ ନୂତନ ଵହି, ପେନସିଲ, ରଵର, ବିସ୍କୁଟ, ଚକୋଲେଟ, ବେଲୁନ ଇତ୍ୟାଦି ଦିଆଯାଇଥିଲା । ଗଣଶିକ୍ଷା ବିଭାଗର ଗାଇଡଲାଇନ ଅନୁସାରେ ପିଲାମାନଙ୍କୁ ଗେଟ୍ ସମ୍ମୁଖରୁ ଚନ୍ଦନ, ପୁଷ୍ପଗୁଚ୍ଛ ତଥା ବନ୍ଦାପନା କରାଯାଇଥିଲା । ଧାଡ଼ି ଧାଡ଼ି ହୋଇ ହସଖୁସିରେ ପୁରୁଣା ଛାତ୍ରଛାତ୍ରୀ ତଥା ଶିକ୍ଷକ ଶିକ୍ଷୟିତ୍ରୀ ମାନଙ୍କ ଗହଣରେ ସ୍ୱାଗତ ପୂର୍ଵକ କରତାଳି ଦେଇ ସେମାନଙ୍କୁ ବିଦ୍ୟାଳୟର ହଲ ସ୍ଥିତ ସଭାକୁ ପାଛୋଟି ନିଆଯାଇଥିଲା । ଏଥିରେ ମୁଖ୍ୟ ଅତିଥି ରୂପେ ଯୋଗଦାନ କରିଥିଲେ, ଏନ୍ ଆଇ ଟି ଡାଇରେକ୍ଟୋର ଡଃ, କେ ଉମା ମହେଶ୍ୱର ରାଓ ତଥା ମୁଖ୍ୟ ଵକ୍ତା ରୂପେ ସୁଦୂର ଭଦ୍ରକରୁ ଅବସରପ୍ରାପ୍ତ ପ୍ରାଧ୍ୟାପକ ଡଃ, ନାରାୟଣ ସେନାପତି । ସମ୍ମାନିତ ଅତିଥି ରୂପେ ଯୋଗଦେଇଥିଲେ, ଆର୍ ଇସି କ୍ଲଷ୍ଟରର ସିଆର ସିସି, ସିପ୍ରା ସାହୁ, ଆର୍ ଭି କ୍ଲଷ୍ଟରରୁ ମନୋଜ ମିଶ୍ର ତଥା ଜଗଦା କ୍ଲଷ୍ଟରରୁ ପୁଷ୍ପା ବାରିକ । ପ୍ରଥମେ ଅତିଥି ମାନେ ଖଡ଼ି ଛୁଆଁ ସ୍ଥଳକୁ ଗମନ କରି ବାଲଵାଟିକା ଓ ପ୍ରଥମ ଶ୍ରେଣୀର ଛାତ୍ରଛାତ୍ରୀମାନେ ଖଡ଼ି ଛୁଇଁ ପାଠପଢା ଆରମ୍ଭ କରିଥିଲେ । ଏଥିରେ ବରିଷ୍ଠ ଶିକ୍ଷକ ସୁଜାତା ତ୍ରିପାଠୀ, ଅଜୟ କୁମାର ରାଉତ, ନିରୁପମା ଦାଶ, ଛଵିରାଣୀ ପ୍ରଧାନ, ସରୋଜ କୁମାର ଜେନା, ସସ୍ମିତା ପଟ୍ଟନାୟକ, ମମତା ସେନାପତି, ସୁଜାତା ମିଶ୍ର, ସୁଶାନ୍ତ କୁମାର ରାୟ ଇତ୍ୟାଦି ଉପସ୍ଥିତ ରହି ସ୍ୱାଗତ କରିଥିଲେ । ସଭାପତି ନୂତନ ଶିକ୍ଷା ବର୍ଷର ଆଭିମୁଖ୍ୟ ଓ ଉଦ୍ଦେଶ୍ୟରେ ଵକ୍ତଵ୍ୟ ପ୍ରଦାନ କରିଥିଲେ । ପିଏମ୍ ଶ୍ରୀ ବିଦ୍ୟାଳୟର ଅନେକ ଖେଳ ସାମଗ୍ରୀ ତଥା ବିଦ୍ୟାଳୟର ଏପରି ରଙ୍ଗାରଙ୍ଗ କାର୍ଯ୍ୟକ୍ରମ ଅଭିଭାବକ ମାନେ ଖୁବ୍ ପସନ୍ଦ କରିଥିଲେ । ଏଥିରେ ସୁରେଖା ନାୟକ, ସାବିତ୍ରୀ ଦେଵୀ, ପ୍ରତିମା ଦେଵୀ ସହାୟତା ପ୍ରଦାନ କରିଛନ୍ତି । ପରିଶେଷରେ, ଏନ୍ ସିସି ଶିକ୍ଷକ ସରୋଜ କୁମାର ଜେନା ଧନ୍ୟବାଦ ଅର୍ପଣ କରିଥିଲେ । ଏହି କାର୍ଯ୍ୟକ୍ରମ ପରି ଏ ବିଦ୍ୟାଳୟରେ ଵିଵିଧ ଗୁଣାତ୍ମକ ଶିକ୍ଷା ସହିତ ପିଲାମାନଙ୍କର ସ୍ୱାଗତ ପରି କାର୍ଯ୍ୟକ୍ରମ ବିବିଧ ଅଭିଭାବକ ଓ ବୁଦ୍ଧିଜୀବୀମାନ ପସନ୍ଦ କରିଥିଲେ ।