- ମର୍ଯ୍ୟାଦା ପୁରୁଷୋତ୍ତମ ମହାପ୍ରଭୁ ଶ୍ରୀରାମଙ୍କ ପାଖରେ ଛପନ ଭୋଗ ଅର୍ପଣ
ପଦ୍ମପୁର, (ନିରୋଜ କୁମାର ପାଣୀ) : ପଦ୍ମପୁର ଶାନ୍ତିନଗର ଠାରେ ଚାଲୁଥିବା ନବମ ବର୍ଷ ରାମାୟଣ ପାରାୟଣ ଅନୁଷ୍ଠିତ ହୋଇଯାଇଛି । ଏ଼ହି ଅବସରରେ ଆଜି ଛପନ ଭୋଗର କମିଟି ଭକ୍ତଙ୍କ ତରଫରୁ ମର୍ଯ୍ୟାଦା ପୁରୁଷୋତ୍ତମ ଶ୍ରୀରାମଚନ୍ଦ୍ରଙ୍କ ପାଖରେ ଭୋଗ ଲଗାଇବାର ବ୍ୟବସ୍ଥା କରାଯାଇଛି । ପଣ୍ଡିତ ଅତ୍ରାହି ଭଞ୍ଜନ ପାଣିଗ୍ରାହୀ ମନ୍ତ୍ର ଉଚ୍ଚାରଣ କରି ଶଙ୍ଖଘଣ୍ଟ ନାଦରେ ଶ୍ରୀରାମ ଲକ୍ଷ୍ମଣ, ସୀତା, ବଜରଙ୍ଗବାଳି ହନୁମାନଙ୍କ ଠାରେ ଭୋଗ ଅର୍ପଣ କରିଥିଲେ । ସୁନାମଧନ୍ୟ ପାରାୟଣ ବାୟକ ବ୍ୟାସ ଭାବରେ ଇପ୍ସିତ ମିଶ୍ର ରାମାୟଣ ସୁମଧୁର କଣ୍ଠସ୍ୱରରେ ସମସ୍ତ ଶ୍ରଦ୍ଧାଳୁ ଶ୍ରୋତା ମାନଙ୍କୁ ବିମୁଗ୍ଧ କରିଥିଲେ । ସମସ୍ତ ଭକ୍ତ ବତ୍ସଲ ରାମାୟଣ ଶ୍ରବଣ କରି ପରମତୃପ୍ତି ଆନନ୍ଦ ଉପଭୋଗ କରି ମର୍ଯ୍ୟାଦା ପୁରୁଷୋତ୍ତମ ଶ୍ରୀରାମଚନ୍ଦ୍ର ମହାପ୍ରଭୁଙ୍କ ସାନ୍ନିଧ୍ୟ ଲାଭ କରିଥିଲେ । ଏହି କାର୍ଯ୍ୟକ୍ରମରେ ଆୟୋଜନ କମିଟିର ସମସ୍ତ କର୍ମକର୍ତ୍ତା ମାନେ ସହଯୋଗ କରିଥିଲେ ।