ସୁବର୍ଣ୍ଣପୁର, (କେପିଏନ୍ଏସ୍) : ସୁବର୍ଣ୍ଣପୁର ଜିଲ୍ଲା ନାରାୟଣପୁର ଠାରେ ଭାରତୀୟ ଷ୍ଟେଟ ବ୍ୟାଙ୍କ ଗ୍ରାମୀଣ ଆତ୍ମନିଯୁକ୍ତି ଶିକ୍ଷା କେନ୍ଦ୍ର ଦ୍ୱାରା ମହିଳାମାନଙ୍କୁ ପେପର କଭର, ପେପର ବ୍ୟାଗ, ଲଫାପା ଓ ଫାଇଲ ଆଦି ତିଆରି ତାଲିମ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଉକ୍ତ କାର୍ଯ୍ୟକ୍ରମଟି ଗ୍ରାମୀଣ ଆତ୍ମନିଯୁକ୍ତି ଶିକ୍ଷା କେନ୍ଦ୍ର ସୁବର୍ଣ୍ଣପୁରର ନିର୍ଦ୍ଦେଶକ ଚୁଲେଶ୍ୱରୀ ଦାସଙ୍କ ନିର୍ଦ୍ଦେଶରେ ତଥା ବରିଷ୍ଠ ଟ୍ରେନର ସତ୍ୟବ୍ରତ ଦାସଙ୍କ ପ୍ରତ୍ୟକ୍ଷ ତତ୍ୱାବଧାନରେ ଅନୁଷ୍ଠିତ ହୋଇଯାଇଛି । ନାରାୟଣପୁର ଗ୍ରାମପଂଚାୟତ ସରପଂଚ ଦୀପ ପ୍ରଜ୍ୱଳନ କରି ତାଲିମ କାର୍ଯ୍ୟକ୍ରମକୁ ଆରମ୍ଭ କରିଥିଲେ । ସର୍ବମୋଟ ୩୫ ଜଣ ମହିଳାଙ୍କୁ ଡିଏସ୍ଟି ଉର୍ବଶୀ ପଟେଲ ଦୀର୍ଘ ୧୦ଦିନ ପର୍ଯ୍ୟନ୍ତ ତାଲିମ ପ୍ରଦାନ କରିବେ ବୋଲି ସୂଚନା ମିଳିଛି । କାର୍ଯ୍ୟକ୍ରମକୁ ନାରାୟଣପୁର ପଂଚାୟତର ଗଣେଶ ମହାପାତ୍ରଙ୍କ ସହ ସମସ୍ତ ସିଆର୍ପି ଓ ଏମ୍ବିକେ ମାନେ ନାରୀମାନଙ୍କୁ ସ୍ୱାବଲମ୍ବୀ ତଥା ନାରୀ ଜାଗରଣର ଏହିପରି କାର୍ଯ୍ୟକ୍ରମକୁ ପୂର୍ଣ୍ଣ ସହଯୋଗ କରି ସଫଳ ରୂପାୟନ ଦେଇଥିବାରୁ ଅଂଚଳରେ ଜନସାଧାରଣ ଭୂୟସୀ ପ୍ରଶଂସା କରିଛନ୍ତି ।