- ଥାନାରେ ମାମଲା ରୁଜ୍ଜୁ ପୁଲିସର ତଦନ୍ତ ଜାରି
ମୁରିବାହାଲ, (ଦୁର୍ଗାନନ୍ଦ ମହାକୁର) : ବଲାଙ୍ଗିର ଜିଲ୍ଲା ମୁରିବାହାଲ ଥାନା ଚଣାବାହାଲ ଗାଁର ଚାଷୀ ତରଣୀ ସୁନା (୪୫) ଧାନକାଟି ଅମଳ ପାଇଁ ରଖିଥିବା ବେଳେ ଦୁର୍ବୃତ୍ତ ନିଆଁ ଲଗାଇ ଦେବାରୁ ସବୁ ଧାନ ଜଳିଯୋନି ପାଉଁଶ ହୋଇଯାଇଛି । ଏ ବିଷୟରେ ଥାନାରେ ଅଭିଯୋଗ କରିଛନ୍ତି ତରଣୀ । ତରଣୀଙ୍କ ଏତଲା ଆଧାରରେ ସେ ପ୍ରତ୍ୟେକ ବର୍ଷ ସେହି ଚାଷ ଜମିରୁ ୯୦ରୁ ୧୦୦ ପକେଟ ଧାନ ବାହାରିଥାଏ ବୋଲି ଥାନାରେ ଏତଲା ଦେଇଛନ୍ତି । ଚାଷୀ ତରଣୀ ସୁନା ୩ ଏକର ଜମିରେ ଧାନ ଚାଷ କରିଥିଲେ । ଧାନକାଟି ଜମିରେ ଗଚ୍ଛିତ ରଖି ଥିବା ବେଳେ ଗଚ୍ଛିତ ଧାନକୁ ଦୁର୍ବୃତ୍ତ ନିଆଁ ଲଗାଇ ଦେଇଥିବା ମୁରିବାହାଲ ଥାନାରେ ଏତଲା ଦେଇଛନ୍ତି । ଏତଲାରେ ପୂର୍ବରୁ ଏହି ଜମିକୁ ନେଇ ସେହି ଗ୍ରାମର ବେଣୁ ବଗର୍ତ୍ତୀ ଓ ଭକ୍ତ ବଗର୍ତ୍ତୀଙ୍କ ସହ ଜମିବାଡ଼ିକୁ ନେଇ ମାମଲା ରହିଥିଲା । ତେଣୁ ପ୍ରତିଶୋଧ ନେବାପାଇଁ ସେମାନେ ନିଆଁ ଲଗେଇ ଦେଇଥିବା ସେ ନିଜ ଏତଲାରେ ଉଲ୍ଲେଖ କରିଛନ୍ତି । ମୁରିବାହାଲ ପୁଲିସ ଏତଲା ପାଇ ପରେ କେସ ନଂ ୩୬୨/୨୪ ରୁଜୁ କରି ସବ – ଇନ୍ସପେକ୍ଟର ଦନାର୍ଦନ ଓରାମ ଘଟଣା ସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଥିବା ବେଳେ ଅଧିକ ତଦନ୍ତ ଜାରି ରହିଛି ବୋଲି ଥାନା ଆଇଆଇସି ସିପୋରା ସରାୟ ଲୁଗୁନ ପ୍ରକାଶ କରିଛନ୍ତି । ଗରିବ ଚାଷୀକୁ ପ୍ରଶାସନ ତରଫରୁ ସାହାଯ୍ୟ କରିବାପାଇଁ ସାଧାରଣରେ ଦାବୀ କରିଛନ୍ତି ।