ସଇଁତଲା, (ଲକ୍ଷ୍ମୀକାନ୍ତ ସାହୁ) : ସଇଁତଲା ଥାନା ଷାଣ୍ଡପାଲି ଛକରେ ଦୁଇ ବାଇକ ମୁହାଁମୁହିଁ ଧକ୍କା ହେବା ଫଳରେ ୪ ଜଣ ବ୍ୟକ୍ତିଙ୍କୁ ଗୁରୁତର ଅବସ୍ଥାରେ ସଇଁତଲା ଡାକ୍ତରଖାନାରେ ଭର୍ତ୍ତି କରାଯାଇଥିବା ଜଣାପଡ଼ିଛି । ସୂଚନା ଅନୁଗତ ଯେ, ଦେଓଗାଁରୁ ସଇଁତଲା ଅଂଚଳକୁ ୩ ଜଣ ବ୍ୟକ୍ତି ଗୋଟିଏ ବାଇକରେ ଆସୁଥିବା ବେଳେ ଅନ୍ୟପଟୁ ସଇଁତଲାରୁ ବଲାଙ୍ଗିରକୁ ଯୁବକ ଜଣକ ଯାଉଥିବା ବେଳେ ଷାଣ୍ଡପାଲି ଛକ ଠାରେ ଦୁଇ ବାଇକ ମୁହାମୁହିଁ ହୋଇଥିଲା । ଫଲରେ ୪ଜଣ ଗୁରୁତର ହୋଇଯାଇଥିଲେ ଏବଂ ସେମାନଙ୍କୁ ଗୁରୁତର ଅବସ୍ଥାରେ ସଇଁତଲା ଡାକ୍ତରଖାନାକୁ ଆଣି ଭର୍ତ୍ତି କରାଯାଇଛି । ଗୁରୁତର ହୋଇଥିବା ବ୍ୟକ୍ତିମାନେ ହେଲେ ଦେଓଗାଁ ଥାନା ଆମ୍ବପାଲି ଗାଁର ମକାରୁ ଭୋଇ, ମୁରସିଙ୍ଗ ଗାଁର ସୁଦାମ ଅଦାବିରିଆ, ବିଡ଼ିଘାଟର ହେମନ୍ତ ବେହେରା ଓ ସଇଁତଲା ଥାନା ଖଜୁରପଡା ଗାଁର ଯଦୁମଣି ସାହୁ ବୋଲି ଜଣାପଡିଛି । ଯଦୁମଣି ଅତି ଗୁରୁତର ହେବାରୁ ତାଙ୍କୁ ବଲାଙ୍ଗିର ଭୀମ ଭୋଇ ମେଡିକାଲ କଲେଜକୁ ସ୍ଥାନାନ୍ତର କରାଯାଇଛି ଏବଂ ସଇଁତଲା ପୋଲିସ ୨ ବାଇକକୁ ଜବତ କରି ତଦନ୍ତ ଜାରି ରଖିଛି ।