ତୁରେକେଲା, (ପିତାମ୍ବର ଦୀପ) : ତୁରେକେଲା ବ୍ଲକ ସଦର ମହକୁମା ଠାରେ ଶୁକ୍ରବାର ଅନୁସୂଚୀତ ଜାତି ଓ ଜନଜାତି ମିଳିତ କ୍ରିୟାନୁଷ୍ଠାନ କମିଟି ପକ୍ଷରୁ କ୍ରାନ୍ତିକାରୀ ବୀର ସହିଦ ବିର୍ସା ମୁଣ୍ଡାଙ୍କ ଜନ୍ମ ଜୟନ୍ତୀ ଧୁମ୍ଧାମ୍ରେ ପାଳିତ ହୋଇଯାଇଛି । ଏହି ଅବସରରରେ ବିର୍ସା ମୁଣ୍ଡାଙ୍କ ପୂଜାର୍ଚ୍ଚନା କରାଯାଇଥିଲା । ପରେ ଏକ ଶୋଭାଯାତ୍ରାରେ ଗାଁ ବସ୍ତି ପରିକ୍ରମା କରି ସ୍ଥାନୀୟ ଆମ୍ବ ବଗିଚା ନିକଟରେ ଏକ ସଭାର ଆୟୋଜନ କରାଯାଇଥିଲା । ଏହି କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ବଲାଙ୍ଗିର ଜିଲ୍ଲା ସ୍ୱତନ୍ତ୍ର ଉନ୍ନୟନ ପରିଷଦ ପୂର୍ବତନ ଉପାଧ୍ୟକ୍ଷା ନିରୁପମା ମାଝୀ ଯୋଗ ଦେଇଥିଲେ । ଏହି କାର୍ଯ୍ୟକ୍ରମରେ ବିଶ୍ୱାମିତ୍ର ଛତ୍ରିଆ, ସୁରୁ ଝାଙ୍କର, ମନୋଜ ତାଣ୍ଡି, ଯୋଶ ମାଝୀ, ଦିଲ୍ଲୀପ ନାଗ, ଅମର ସିଂ ମାଝୀ, ଧନ ସିଂ ମାଝୀ, ରଘୁ ମାଝୀଙ୍କ ସହ ଶତାଧିକ ସଦସ୍ୟ ଉପସ୍ଥିତ ଥିଲେ ।