ସଇଁତଲା, (ପ୍ରମୋଦ ସେଲମା) : ବଲାଙ୍ଗିର ଜିଲ୍ଲା ସଇଁତଲା ବ୍ଲକ ସ୍ଥିତ କରମତଲା ପଞ୍ଚାୟତ ଅଧୀନ ଛନଛଡା ଗାଁ ଠାରେ କାର୍ତ୍ତିକ ପୂର୍ଣ୍ଣିମା ଉପଲକ୍ଷେ ବରପଡା ପୁରାଣ କମିଟି ଆନୁକୂଲ୍ୟରେ ୧୬ ପ୍ରହରୀ ନାମଯଜ୍ଞ ଉପଲକ୍ଷେ କଳସ ଶୋଭାଯାତ୍ରା ଆୟୋଜିତ ହୋଇଯାଇଛି । ଏହି ପରିପେକ୍ଷୀରେ ସ୍ଥାନୀୟ ମହିଳା ଓ ପୁରୁଷମାନେ ମଣ୍ଡପ ପରିସରରେ ଏକତ୍ରିତ ହୋଇ ଘଣ୍ଟବାଜା ଓ ସଂକୀର୍ତନ ମାଧ୍ୟରେ ଏକ ବିରାଟ ଶୋଭାଯାତ୍ରା ବାହାରି ନିକଟସ୍ଥ ଲାନ୍ଥ ନଦୀ ଠାରେ ପହଂଚିଥିଲେ । ସେଠାରେ ପଣ୍ଡିତ ଶଶାଙ୍କ ଶେଖର ମହାନ୍ତି ଓ ରବି ପାଢ଼ୀଙ୍କ ତତ୍ତ୍ୱାବଧାନରେ ପୂଜାର୍ଚ୍ଚନାରେ କର୍ତ୍ତା ଭାବରେ ଝସକେତନ ରଣା ଓ ତାଙ୍କ ଧର୍ମପତ୍ନୀ ଗୀତାଞ୍ଜଳି ରଣା ପୂଜାର୍ଚ୍ଚନା ଦାୟିତ୍ୱ ତୁଲାଇଥିଲେ । ଏଥିରେ ରାଜେଶ ବେହେରା, ସମରୁ ରଣା, ସର୍ବେଶ୍ୱର ବାଗ, ହୀରାଲାଲ ସାହୁ, ପ୍ରହଲ୍ଲାଦ ସାହୁ, ରାଜିନ ରଣା, ନୀଳ ବେହେରା, ଉପିନ ବାଗ, ବିପିନ ନାଗଙ୍କ ସମେତ ଗ୍ରାମ ଶତାଧିକ ମହିଳାମାନେ ସାମିଲ ହୋଇଥିଲେ ।