ବଲାଙ୍ଗିରରେ ପଣା ସଂକ୍ରାନ୍ତି ପାଳିତ

ବଲାଙ୍ଗିର, (କେପିଏନ୍‌ଏସ୍‌) : ଆଜି ମହାବିଷୁବ ସଂକ୍ରାନ୍ତି ଅବସରରେ ଆଜି ଚଳଚଂଚଳ ହୋଇଉଠିଛି ବଲାଙ୍ଗିର ସହର । ଆଜି ସଂକଟମୋଚନ ବୀର ହନୁମାନଙ୍କ ଜନ୍ମଦିନ । ଏହି ଅବସରରେ ସହରରେ ରହିଥିବା ମନ୍ଦିରଗୁଡ଼ିକରେ ପ୍ରବଳ ଭକ୍ତ ଓ ଶ୍ରଦ୍ଧାଳୁଙ୍କ ଭିଡ଼ ଦେଖିବାକୁ ମିଳିଛି । ବିଭିନ୍ନ ସ୍ଥାନରେ ପଣା ବଂଟନ କରାଯାଉଥିବା ବେଳେ ବଡ଼ ଉତ୍ସାହର ସହ ସହରରେ ପଣା ସଂକ୍ରାନ୍ତି ପାଳିତ ହେଉଛି । ରୀତିନୀତି, ପ୍ରଥା ପରମ୍ପରା ଅନୁସାରେ ବିଭିନ୍ନ ମନ୍ଦିରରେ ପୂଜନକର୍ମ ଚାଲିଥିବା ବେଳେ କେତେକ ସ୍ଥାନରେ ରାମାୟଣ ପାରାୟଣର ଆୟୋଜନ କରାଯାଇଥିବା ମଧ୍ୟ ଦେଖିବାକୁ ମିଳିଛି । ରାମଭକ୍ତ ହନୁମାନଙ୍କ ଆଶୀର୍ବାଦ କାମନା କରି ଭକ୍ତ ଓ ଶ୍ରଦ୍ଧାଳୁମାନେ ରାମାୟଣ ପାରାୟଣରେ ମଧ୍ୟ ବହୁସଂଖ୍ୟାରେ ବେଶ୍‌ ମନୋନିବେଶ୍‌ କରିଥିବା ଜଣାପଡ଼ିଛି ।