ବଲାଙ୍ଗିର, (କେପିଏନ୍ଏସ୍) : ଦୁର୍ଘଟଣା ଘଟାଇଥିବା ହାଇୱା ଡ୍ରାଇଭରଙ୍କୁ ଗିରଫ୍ କଲା ବଲାଙ୍ଗିର ଟାଉନ୍ ପୋଲିସ । ଗତକାଲି ପୂର୍ବାହ୍ଣରେ ବଲାଙ୍ଗିର ଟିଟିଲାଗଡ଼ ରୋଡ଼ ଶାସ୍ତ୍ରୀନଗର ଛକରେ ହାଇୱା ଧକ୍କାରେ ଦେଓଗାଁ ବ୍ଲକ ଛତାପିପଲର ବିଭୁତି ଭୂଷଣ କଲତାଙ୍କ ମୃତ୍ୟୁ ଘଟିଥିବା ବେଳେ ଘଟଣାସ୍ଥଳରୁ ଗାଡି ଛାଡି ଫେରାର୍ ହୋଇଯାଇଥିଲେ ଡ୍ରାଇଭର । ବଲାଙ୍ଗିର ଟାଉନ୍ ପୋଲିସ ଗାଡିକୁ ତୁରନ୍ତ ଜବତ କରିବା ସହ ମୃତ ଯୁବକଙ୍କ ଶବକୁ ବ୍ୟବଚ୍ଛେଦ ପାଇଁ ପଠାଇଥିଲା । ହାଇୱା ଡ୍ରାଇଭର ବଲାଙ୍ଗିର ସଦର ଥାନା ଅଧିନସ୍ଥ କୁଶଙ୍ଗ ନିବାସୀ ଶ୍ରୀରାମ ପଟେଲ(୫୩)ଙ୍କୁ ତାଙ୍କ ଗାଁରୁ ଗିରଫ୍ କରିଥିବା ବେଳେ ଆଜି କୋର୍ଟ ଚାଲାଣ କରିଥିବା ଜଣାପଡିଛି ।