ବଲାଙ୍ଗିର, (କେପିଏନ୍ଏସ୍) : ବଲାଙ୍ଗିର ପବ୍ଲିକ ସ୍କୁଲ ପରିସରରେ ଆନ୍ତର୍ବିଦ୍ୟାଳୟ ବିଜ୍ଞାନ ମେଳା ଅନୁଷ୍ଠିତ ହୋଇଯାଇଛି । ବିଦ୍ୟାଳୟର ପରିଚାଳନା କମିଟିର ସଭାପତି ବୀରେନ୍ଦ୍ର କୁମାର ମିଶ୍ର ମୁଖ୍ୟ ଅତିଥି ଭାବରେ ଯୋଗଦେଇ କାର୍ଯ୍ୟକ୍ରମକୁ ଉଦ୍ଘାଟନ କରିଥିଲେ । ଅନ୍ୟମାନଙ୍କ ମଧ୍ୟରେ ପରିଚାଳନା କମିଟିର ସମ୍ପାଦକ ଗୋପାଳକୃଷ୍ଣ ସିଂଦେଓ, କୋଷାଧ୍ୟକ୍ଷ ଆଲୋକ ରଞ୍ଜନ ବେଦବାକ, ସଭ୍ୟ ଶିରିଶଚନ୍ଦ୍ର ହୋତା, ସଭ୍ୟ ବାଦଲ ମହାକୁର, ସଭ୍ୟ ସଂଜୀବ କୁମାର ସାହୁ ଯୋଗ ଦେଇଥିଲେ । ଏହି ମେଳାରେ ପ୍ରାୟ ଦୁଇ ଶହ(୨୦୦)ଟି ପ୍ରକଳ୍ପ ସ୍ଥାନ ପାଇଥିଲା ଓ ତିନି ଶହରୁ ଅଧିକ ଛାତ୍ରଛାତ୍ରୀ ଅଂଶଗ୍ରହଣ କରିଥିଲେ । ଶିବପ୍ରସାଦ ତ୍ରିପାଠୀ, ସୁଧାନିଧି ମିଶ୍ର, ଆନନ୍ଦ ଚନ୍ଦ୍ର ସାହୁ, ସୁଶ୍ରୀ ଇଲାମୟୀ ପଟ୍ଟନାୟକ, ସୁଶ୍ରୀ ଅନନ୍ୟା ମିଶ୍ର ଓ ସୁଶ୍ରୀ ଶର୍ମିଷ୍ଠା ହୋତା ଆଦି ବିଜ୍ଞାନ ଶିକ୍ଷକ ଶିକ୍ଷିକାମାନେ ବିଚାରକ ଭାବରେ ଯୋଗଦେଇଥିଲେ । ବିଦ୍ୟାଳୟର ସମସ୍ତ ଛାତ୍ରଛାତ୍ରୀ, ସେମାନଙ୍କ ବାପା ମାଆ ତଥା ଅଭିଭାବକମାନେ ପ୍ରକଳ୍ପଗୁଡିକୁ ବୁଲି ଦେଖିଥିଲେ ତଥା କୁନି ବିଜ୍ଞାନୀମାନଙ୍କୁ ଉତ୍ସାହିତ କରିଥିଲେ । ବିଦ୍ୟାଳୟର ଅଧ୍ୟକ୍ଷା ସୁଶ୍ରୀ ସରିତା ପଟ୍ଟନାୟକ, ଉପାଧ୍ୟାକ୍ଷ ସତୀଶ ପ୍ରଧାନଙ୍କ ମାର୍ଗଦର୍ଶନ, ସମସ୍ତ ବିଜ୍ଞାନ ଶିକ୍ଷକ ଶିକ୍ଷିକାଙ୍କ ସୁପରିଚାଳନା ତଥା ଅନ୍ୟାନ୍ୟ ସମସ୍ତ ଶିକ୍ଷକ ଶିକ୍ଷିକା, କର୍ମଚାରୀଙ୍କ ସହଯୋଗରେ କାର୍ଯ୍ୟକ୍ରମଟି ସଫଳତାର ସମ୍ପନ୍ନ ହେଲା ।