ରାଉରକେଲା, (ସସ୍ମିତା ପ୍ରଧାନ) : ରାଉରକେଲା ମହାନଗରୀର ଅଗ୍ରଣୀ ସାମାଜିକ ଓ ପରିବେଶ ସନ୍ତୁଳନ ଉପରେ ଧ୍ୟାନ ରଖି କାର୍ଯ୍ୟକ୍ରମ କରୁଥିବା କ୍ଲିନ ଓ ଗ୍ରୀନର ସଦସ୍ୟମାନେ “କୁମାର ଉତ୍ସବ-ବନ୍ଧୁ ମିଳନ”, ସେକ୍ଟର ୨ ସାହାନାଈ ମଣ୍ଡପଠାରେ ଆୟୋଜନ କରିଥିଲେ । ଏହି କାର୍ଯ୍ୟକ୍ରମ ଅନୁଷ୍ଠାନର ସଭାପତି ଡାକ୍ତର ଦେବେନ୍ଦ୍ର ସେଠୀ, ସାଧାରଣ ସମ୍ପାଦକ ପ୍ରଦୀପ ଦାସ ଓ ସଙ୍ଗଠନ ସମ୍ପାଦକ ହିମାଂଶୁ ମହାପାତ୍ର ତଥା ବରିଷ୍ଠ ଉପଦେଷ୍ଟା ପ୍ରତାପ ଚନ୍ଦ୍ର ମିଶ୍ର ଓ କୃତିବାସ ମିଶ୍ର ପ୍ରମୁଖଙ୍କ ଦିଗଦର୍ଶନରେ ଆରମ୍ଭ ହୋଇଥିଲା । ଉଲ୍ଲେଖ ଯୋଗ୍ୟ ଯେ, ସେକ୍ଟର-୧୪ସ୍ଥିତ ଏକ ଅବ୍ୟବହୃତ ପଡିଆରେ “ଆତ ବଗିଚା”ର ପରିକଳ୍ପନା ପାଇଁ ସଦସ୍ୟ ପ୍ରଦୀପ ସ୍ୱାଇଁ ଓ ସହଯୋଗୀ ସଦସ୍ୟମାନଙ୍କ ପାଇଁ ଧନ୍ୟବାଦ ପ୍ରସ୍ତାବ ରଖାଯାଇଥିଲା । ପରେ ପରେ ମନୋଜ ନାୟକ, ଅକ୍ଷୟ ଜେନା ଓ ପ୍ରଦୀପ୍ତ ଭୋଇଙ୍କ ସହିତ ଅନ୍ୟ ସହଯୋଗୀ ସଦସ୍ୟମାନଙ୍କ ଦ୍ୱାରା ଆୟୋଜିତ ମଧ୍ୟାହ୍ନ ଭୋଜନରେ ପ୍ରାୟ ୮୦ରୁ ଅଧିକ ସଦସ୍ୟ ଯୋଗ ଦେଇଥିଲେ ଓ ପରସ୍ପର ମଧ୍ୟରେ ଭାବ ବିନିମୟ କରିଥିଲେ । ଶେଷରେ ‘ବନ୍ଧୁ ମିଳନ’ର ସଫଳତା ପାଇଁ ଇଭେଣ୍ଟ ମ୍ୟାନେଜର ଅଶୋକ ପଟେଲ ସମସ୍ତଙ୍କୁ କୃତଜ୍ଞତା ସହ ଧନ୍ୟବାଦ ଅର୍ପଣ କରିଥିଲେ ।