ଲୋଇସିଂହା, (ବିମଳେନ୍ଦୁ ସାହୁ) : ଗତକାଲି ବଲାଙ୍ଗିର ସାଲେଭଟା ଅଂଚଳରେ ବଣୁଆ ଦନ୍ତା ହାତୀ ଜନବସତି ଭିତରେ ବୁଲୁଥିବା ଦେଖିବାକୁ ମିଳିଛି । ପାଟଣାଗଡ଼ ବ୍ଲକ୍ ଅନ୍ତର୍ଗତ ପୁଡ଼ାପଦର ଗାଁରେ ଗତ ୨୭ ତାରିଖ ଦିନ କପା କିଆରିରେ ଘାସ କାଟୁଥିବା ବଳରାମ ହୋତାଙ୍କୁ ଦଳି କଚାଡ଼ି ମାରି ଦେଇଥିଲା ଦନ୍ତା ହାତୀ । ସେହି ମଣିଷ ମରା ଗୋଠ ଛଡ଼ା ଦନ୍ତା ହାତୀ ଗତକାଲି ସଂଧ୍ୟାରେ ସାଲେଭଟା ଅଂଚଳରେ ଜନବସତି ଭିତରେ ବିନ୍ଦାସ୍ ବୁଲୁଥିବା ଦେଖିବାକୁ ମିଳିଥିଲା । ଏଥିରେ ସ୍ଥାନୀୟ ଲୋକେ ଭୟଭୀତ ହୋଇ ପଡ଼ିଥିବା ବେଳେ ଜଂଗଲ ବିଭାଗ ହାତୀର ଗତିବିଧି ନିରୀକ୍ଷଣ ପାଇଁ ଲାଗି ପଡ଼ିଥିଲା । ତେବେ ସୁବର୍ଣ୍ଣପୁର ଜିଲ୍ଲା ଆଡ଼କୁ ଏବେ ଦନ୍ତା ମୁହାଁଇଥିବା ସାଧାରଣରେ ଆଲୋଚନା ହେଉଛି ।