ବଙ୍ଗୋମୁଣ୍ଡା, (ଅର୍ଜୁନ କୁମାର ହଂସ) : ବଲାଙ୍ଗିର ଜିଲ୍ଲା ବଙ୍ଗୋମୁଣ୍ଡା ବ୍ଲକ ଜୁରାବନ୍ଧ ପଞ୍ଚାୟତ ତାଲଚକେଲ ଗ୍ରାମରେ ଆସନ୍ତା ୨୮ ତାରିଖ ଦିନ ପ୍ରସିଦ୍ଧ ହରଗୌରୀ ଆଦ୍ୟାଶକ୍ତିଙ୍କ ଛତର୍ ଯାତ୍ରା ଅନୁଷ୍ଠିତ ହେବ । ଆସନ୍ତା ୨୭ରେ ଦେବୀଙ୍କୁ ଭୋଗରାଗ ଅର୍ପଣ କରିବେ । ୨୮ ତାରିଖ ଦିନ ବିଶ୍ଵରୂପ ଦର୍ଶନ କାର୍ଯ୍ୟକ୍ରମ ଆୟୋଜନ କରାଯିବ । ଏଥିରେ ବହୁ ଶ୍ରଦ୍ଧାଳୁମାନେ ସାମିଲ ହେବା ପାଇଁ ଆୟୋଜକ ମଙ୍ଗଳ ସିଂ ବାବା, ଯୋଗଧ୍ୟାନ ପ୍ରଧାନ, କୁବେର ମାଝୀ ଓ ତାଲଚକେଲ ଗ୍ରାମବାସୀ ଅନୁରୋଧ କରିଛନ୍ତି । ଏହି ଯାତ୍ରାରେ ସାମିଲ ହେବା ପାଇଁ ଶ୍ରଦ୍ଧାଳୁମାନେ ଅପେକ୍ଷା କରିଥାନ୍ତି ଓ ମା’ଙ୍କୁ ଦର୍ଶନ କରିଥାନ୍ତି । ଏହି ଯାତ୍ରାରେ ହଜାର ହଜାର ଶ୍ରଦ୍ଧାଳୁଙ୍କ ଭିଡ଼ ଜମିଥାଏ । ଦୀର୍ଘ ବର୍ଷରୁ ଲୋକଙ୍କ ଆସ୍ଥା ଓ ବିଶ୍ୱାସ ରହିଛି । ଏହି ଯାତ୍ରାରେ ବଲାଙ୍ଗିର ଜିଲ୍ଲା ସମେତ ଛତିଶଗଡ଼ ଓ ଝାଡଖଣ୍ଡ ରାଜ୍ୟର ଶ୍ରଦ୍ଧାଳୁମାନେ ସାମିଲ ହୋଇଥାନ୍ତି ।