ବଲାଙ୍ଗିର, (କେପିଏନ୍ଏସ୍) : ବଲାଙ୍ଗିର ଜିଲ୍ଲା ଆଗଲପୁର ବ୍ଲକ କୁଟାସିଂହାଠାରେ ସାର୍ବଜନୀନ ଦୁର୍ଗା ପୂଜା ପ୍ରସ୍ତୁତି ବୈଠକ ଅମୀୟ ପଶାୟତଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଯାଇଛି । ଏଥିରେ ପୂଜା କମିଟିର ସମସ୍ତ ସଭ୍ୟ ଉପସ୍ଥିତ ରହିଥିଲେ । ପୂର୍ବ ବର୍ଷର ବିବରଣୀ ସାଙ୍ଗକୁ ଚଳିତ ବର୍ଷର ଅଟକଳ, ସାଂସ୍କୃତିକ କାର୍ଯ୍ୟକ୍ରମ, ଶୃଙ୍ଖଳା ଇତ୍ୟାଦି ସମସ୍ତ ବିଷୟରେ ଆଲୋଚନା ହୋଇଥିଲା । ସଭାପତି ଭାବରେ ଉମାକାନ୍ତ ଠେଲା, ସମ୍ପାଦକ ଆଶିଷ ସାହୁ କୋଷାଧ୍ୟକ୍ଷ ଭାବରେ ଅନିରୁଦ୍ଧ ପାତ୍ରଙ୍କୁ ବଛା ଯାଇଥିଲା । ପୂଜକ ଶତ୍ରୁଘନ ପୁରୋହିତ ପୂଜା କର୍ମ ସମ୍ପାଦନ କରିବେ ବୋଲି ନିଷ୍ପତି ହୋଇଥିଲା । ପୂଜା କର୍ତ୍ତା ହିସାବରେ ତିନି ଜଣଙ୍କ ନାଁ ଆସିଛି । ତାହା ସେ ତିନି ଜଣଙ୍କ ଭିତରେ ନିଷ୍ପତି ହେବ ନହେଲେ ଲଟେରୀ ମାଧ୍ୟମରେ ବଛା ଯିବ ବୋଲି କହିଥିଲେ । ପ୍ରସ୍ତାବିତ ସଭାପତି ଶ୍ରୀ ଠେଲା ଦଶହରା ଶୁକ୍ଳପକ୍ଷ ସପ୍ତମୀ ତିଥିରୁ ଆରମ୍ଭ ହୋଇ ଦଶମୀ ପର୍ଯ୍ୟନ୍ତ ଚାଲିବ ବୋଲି କହି ଶେଷରେ ସମସ୍ତଙ୍କୁ ଧନ୍ୟବାଦ ଦେଇଥିଲେ ।