ପଦ୍ମପୁର, (ନିରୋଜ କୁମାର ପାଣୀ) : ବରଗଡ଼ ଜିଲ୍ଲା ପଦ୍ମପୁର ବନଦୁର୍ଗା ମନ୍ଦିରରେ ଶାରଦୀୟ ନବରାତ୍ର ଦୁର୍ଗାପୂଜା ମହାସମାରୋହରେ ଆଶ୍ଵିନ ୧୫ରୁ ୨୪ ତାରିଖ ପର୍ଯ୍ୟନ୍ତ ୯ ଦିନ ଧରି ଅନୁଷ୍ଠିତ ହେବାର ସୂଚନା ଦିଆଯାଇଛି । ଚଳିତ ବର୍ଷ ଶାରଦୀୟ ନବଦୁର୍ଗା ପୂଜା ନିମ୍ନ କାର୍ଯ୍ୟସୂଚୀ ମତେ ଅନୁଷ୍ଠିତ ହେବାର ସୂଚନା ଦିଆଯିବା ସହ ଶ୍ରଦ୍ଧାଳୁମାନେ ମା’ଙ୍କ ଦର୍ଶନ କରି ଆଶୀର୍ବାଦ ନେବାକୁ ଓ ପ୍ରତ୍ୟେକ ରାତ୍ରିରେ ବିଭିନ୍ନ ପ୍ରକାର ମନୋରଞ୍ଜନ ତଥା ସାଂସ୍କୃତିକ କାର୍ଯ୍ୟକ୍ରମକୁ ଉପଭୋଗ କରିବାକୁ ପରିଚାଳନା କମିଟି ପକ୍ଷରୁ ଅନୁରୋଧ କରାଯାଇଛି । ଆଶ୍ଵିନ ୧୫ ତାରିଖ ରବିବାର ସକାଳ ୭ ଘଣ୍ଟା କଳସାଧିବାସ, ଅଙ୍କୁରାରୋପଣ, ଅଣ୍ଡ ଦୀପ ପ୍ରଜ୍ଜଳନ ସହ ଦୈବୀଙ୍କ ନବଦିନାତ୍ମକ ପୂଜାରମ୍ଭ । ୧୬ରେ ଆଶ୍ଵିନ ଦ୍ଵିତୀୟରେ ବାଳ ଭୋଗ, ଆଳତୀ, ଦୁର୍ଗାପୂଜା ଚଣ୍ଡିପାଠ, ଅନ୍ନ ଭୋଗ ଆଳତୀ, ସନ୍ଧ୍ୟା ଘ ୭ରେ ମିଷ୍ଟାନ୍ନ ଭୋଗ, ୭.୩୦ରେ ମଙ୍ଗଳ ଆଳତି ଅନୁଷ୍ଠିତ ହେବ ସେହିପରି ନୀତି କାନ୍ତି ନିର୍ଘଣ୍ଟ ସମୟରେ ନବଦୁର୍ଗା ମା’ଙ୍କଠାରେ ୨୪ ତାରିଖ ପର୍ଯ୍ୟନ୍ତ ପାଳିତ ହେବ ବୋଲି ସୂଚନା ଦିଆଯାଇଛି । ଚଳିତ ବର୍ଷ ନାବକେଳୀ ବିଶେଷ ଆର୍କଷଣ ରହିବ ବୋଲି ବନଦୂର୍ଗା ମନ୍ଦିର କମିଟି ସଭାପତି ଡ଼ଃ ପ୍ରଭାତ ନାରାୟଣ ତ୍ରିପାଠୀ ଓ ସଂପାଦକ ଗୋପାଳ ଚନ୍ଦ୍ର ଭୋଇ ସୂଚନା ଦେଇଛନ୍ତି ।